Milan Poçettino üçün 300 milyon funt-sterlinqlik büdcə ayıracaq.
Milan Tottenham-in baş məşqçisi Mauritsio Poçettinonun xidmətində maraqlıdır.
Terefsiz.az xəbər verir ki, “rossonerilər” argentinalı mütəxəssisə öz təkliflərini də edib.
Belə ki, 47 yaşlı çalışdırıcı Milan-ın “sükanı arxası”na keçməyə razılıq versə, rəhbərlik ona 300 milyon funt-sterlinqlik transfer büdcəsi ayıracaq. Komanda bu mövsüm Çempionlar Liqasına vəsiqə qazana bilməsə, Cennaro Qattuzo ilə müqaviləyə xitam veriləcək.
Qeyd edək ki, Mauritsio Poçettinonun Totenham ilə müqavilə müddəti 2023 – cü ilin yayına qədərdir.
İsmayıl Abdullayev
