“Heyətdə 5-6 dəyişiklik etmək haqda fikirləşirəm” – Sarri
Avropa Liqasının 1/4 final mərhələsində Slavia ilə qarşılaşacaq Chelsea-nin baş məşqçisi Mauritsio Sarri oyunla bağlı fikirlərini bildirib.
Terefsiz.az UEFA-nın saytına istinadən xəbər verir ki, Sarri, Çexiya təmsilçisinin çətin rəqib olduğunu deyib:
“Diqqətli olmalıyıq, bizi çətin rəqiblə oyun gözləyir. Slavia çox təhlükəli rəqibdir. Sevilla-ya iki oyunda 6 qol vurublar. Çox sürətli oyun sərgiləyirlər. Müdafiədə sıx oynamalıyıq.
Eden Hazardın oynayıb-oynamayacağına oyun saatında qərar verəcəm. Heyətdə 5-6 dəyişiklik etmək haqda fikirləşirəm”.
Slavia – Chelsea matçı bu gün, saat 23:00-da start götürəcək.
İsmayıl Abdullayev
Terefsiz.az
