Abşeron rayonunda bıçaqlanma hadisəsi baş verib.
Terefsiz.az -ın məlumatına görə, hadisə “AAAF Park” yaşayış kompleksinin yaxınlığında qeydə alınıb. Belə ki, naməlum şəxs 1971-ci il təvəllüdlü Abuzərov Nurəddin Əmir oğluna məxsus “Mercedes” markalı avtomobili əzib. Həmin şəxs hadisəyə etirazını bildirən N.Abuzərova bıçaqla xəsarət yetirib.
Yaralı xəstəxanaya yerləşdirilib.
Faktla bağlı Abşeron Rayon Polis İdarəsində araşdırma aparılır.
