Futbol üzrə ABŞ çempionatında – MLS-də iştirak edən klubların sayı artırılacaq.
Terefsiz.az xəbər verir ki, bu barədə qurumun rəsmi saytı məlumat yayıb. Məlumatda, MLS-də iştirakçı sayının 30-a yüksəldilməsinin planlaşdırıldığı bildirilir.
1993-cü ildə yaradılan çempionatda hazırda 24 klub mübarizə aparır. Onların 21-i ABŞ, 3-ü isə Kanada təmsilçiləridir. MLS-in son çempionu Atlanta United olub.
MLS-də ən titullu klub isə Los Angeles Galaxy-dir. Hazırda Zlatan İbrahimoviçin də formasını geyindiyi komanda 5 dəfə çempionluq yaşayıb.
