Fevralın 5-də Yasamalda məktəbli qıza qəfil şillə vuran şəxsə hökm oxunub.
Məhkəmə 29 yaşlı Əhməd Hüseynovu CM-nin 221.1-ci (xuliqanlıq) maddəsi ilə təqsirli bilərək altı ay müddətinə həbs cəzası verib.
Əhməd həmin gün marketə gedərkən küçədə yüksək səslə söyüşlər söyüb və qarşısına çıxan 11-ci sinif şagirdi A.Q.-nin üzünə qəfil şillə vurub.
Məhkəmədə Ə.Hüseynov əməlindən peşman olduğunu bildirib:
“Həmin gün etdiyim hərəkətlərin mahiyyətini dərk edib, düz etmədiyimi başa düşdüm, amma nədənsə həmin hərəkətləri etmək içimdən gəldiyi üçün bunu etdim. Həmçinin həmin gün televizorda göstərilən şou-proqramda olduğu kimi, insanlarla zarafat edən şəxslər kimi hərəkət etdim”.
TEREFSİZ.AZ
