Cəlilabadda yaşayış binası qəzalı vəziyyətə düşüb, sakinlər təxliyə edilib.
“Terefsiz.az” “Report”a istinadən xəbər verir ki,bu barədə sakinlər məlumat veriblər.
Bildiriblər ki, təxliyə olunan sakinlər üçün yeni yaşayış binası tikilib, istifadəyə veriləcək: “Yeni evlər tikilənə qədər bizə kirayə pulu ödəniləcək. Uzun illər idi ki, qorxu içində yaşayırdıq. Bina qəzalı vəziyyətdə olmaqla yanaşı həm də şəraitimiz çox acınacaqlı idi”.
Cəlilabad Rayon İcra Hakimiyyətinin Cəlilabad şəhər inzibati ərazi dairəsi üzrə nümayəndəlikdən verilən məlumata görə, bina yararsız olduğuna görə sakinlər üçün yeni yaşayış binası tikiləcək:
“Bina 43 il əvvəl tikilib. Qəzalı vəziyyətə düşdüyü üçün burada yaşamaq təhlükəlidir. Bununla bağlı aidiyyəti orqanlara məlumat verilmişdi. Nəticədə vətəndaşların kirayə mənzillərə köçürülməsinə icazə verilib“.
