Futbol üzrə Azərbaycan Premyer Liqasında 2022/2023 mövsümünə yekun vurulub.
“Terefsiz.az” xəbər verir ki, turun sonuncu matçında çempion “Qarabağ” “Turan Tovuz”u qəbul edib.
“Azersun Arena”dakı qarşılaşma “köhlən atlar”ın 3:1 hesablı qələbəsi ilə bitib. Meydan sahiblərinin heyətində 2-ci dəqiqədə Redon Cica, 47-ci dəqiqədə Leandro Andrade, 72-ci dəqiqədə isə Musa Qurbanlı fərqləniblər. Tovuz təmsilçisinin yeganə qoluna 61-ci dəqiqədə Runi Eva imza atıb.
Ağdam təmsilçisi mövsümü 90 xalla başa vurub. Tovuz klubu isə 39 xalla 6-cı yeri tutub.
Qarşılaşmadan sonra Premyer Liqanın medalçıları üçün mükafatlandırma mərasimi təşkil ediləcək.
Qeyd edək ki, turun əvvəlki oyunlarında “Zirə” səfərdə “Sumqayıt”ı üç cavabsız qolla üstələyib. “Qəbələ” “Kəpəz”lə heç-heç edib – 1:1. “Səbail” “Şamaxı”nı, “Neftçi” “Sabah”ı 1:0 hesabı ilə məğlubiyyətə uğradıb.
| N | Komanda | O | Q | H | M | T-F | X |
| 1 | Qarabağ | 36 | 28 | 6 | 2 | 91-25 | 90 |
| 2 | Sabah | 36 | 25 | 6 | 5 | 75-24 | 81 |
| 3 | Neftçi | 36 | 20 | 8 | 8 | 63-38 | 68 |
| 4 | Qəbələ | 36 | 13 | 11 | 12 | 47-47 | 50 |
| 5 | Zirə | 36 | 13 | 11 | 12 | 45-46 | 50 |
| 6 | Turan Tovuz | 36 | 10 | 9 | 17 | 36-49 | 39 |
| 7 | Sumqayıt | 36 | 8 | 7 | 21 | 26-70 | 31 |
| 8 | Kəpəz | 36 | 6 | 13 | 17 | 34-62 | 31 |
| 9 | Səbail | 36 | 7 | 8 | 21 | 32-62 | 29 |
| 10 | Şamaxı | 36 | 4 | 13 | 19 | 26-52 | 25 |
Bombardirlər: Ramil Şeydayev (“Qarabağ”) – 22 qol, Musa Qurbanlı (“Qarabağ”) – 21 qol, Coy Lens Mikels (“Sabah”), Emin Mahmudov (“Neftçi”) – hər ikisi 17 qol.
