Prezident: Moldova “ partlayış ”a çox yaxındır

Moldova qeyri-sabit vəziyyətin bir addımlığındadır.

RİA Novosti – yə istinadən Terefsiz.az saytı verir ki, bunu Moldova Prezidenti İqor Dodon bugünkü brifinqdə bəyan edib.

Dövlət başçısı vətəndaşları mümkün etirazlarda iştirak etməməyə və təxribata uymamağa çağırıb:

“ Vəziyyət çox mürəkkəb və dolaşıqdır. Biz ölkədə durumun kütləvi şəkildə qeyri-sabitliyə doğru dəyişməsinin bir addımlığındayıq. Biz “partlayış”a çox yaxınıq. Vətəndaşlardan xahiş edirəm ki, bu gün və sabah evlərindən bayıra çıxmasınlar, parlament və Prezident Administrasiyasının binalarını mühasirəyə almasınlar ”.

İ.Dodon hüquq-mühafizə orqanlarına öz vəzifələrini yerinə yetirməyə və təxribata yol verməməyə çağırıb.

Qeyd edək ki, bundan əvvəl Moldova Konstitusiya Məhkəməsi deputatların iyunun 7-dək hökuməti formalaşdırmalı olduğu barədə qərar qəbul etmişdi. Əks təqdirdə, Prezident parlamenti buraxa bilər.

Terefsiz.az