“Liverpul”un baş məşqçisi Yurgen Klopp “Barselona”dan Filippe Koutinyonu transfer edəcəkləri ilə bağlı yayılan xəbərlərə münasibət bildirib.
Terefsiz.az xəbər verir ki, almaniyalı mütəxəssis bu transferin reallaşmayacağını deyib:
“Bu transfer üçün çox böyük pul xərcləməyimiz lazımdır. Bu mövsüm böyük pullar xərcləmək mümkünsüzdür. Koutinyonun bu mövsüm “Barselona”da lazım olan performansı sərgiləyəcəyini düşünürəm”.
27 yaşlı yarımmüdafiəçi 2018-ci ilin yanvarında “Liverpul”dan “Barselona”ya 145 milyon avroya transfer olmuşdu.
