Bu il Azərbaycanın da qatılacağı bu tədbirə ölkəmizi təmsil edəcək startapın seçilməsi üçün lokal seçim mərhələsi artıq başlayıb.

Start Coworking Center, Ferrum Capital, Apollo Project və Innoland-ın dəstəyi əsasında təşkil olunacaq seçim tədbiri 5 Avqust tarixində baş tutacaq. Tədbirə qoşulub, öz maliyyə texnologiyalarına sahib startapını təqdim etmək istəyən şəxslər üçün isə qeydiyyat başlayıb.

   Qeydiyyat linki vasitəsilə müraciətçilər startapları barəsində ilkin məlumatları göndərə bilərlər.

5 Avqust tarixində seçiləcək qaliblər, aşağıdakı imkanlar ilə təmin olunacaqlar:

– Abu Dhabi Fintech tədbirində iştirak üçün səfər və iştirak xərclərinin qarşılanması

– Bütün dünyadan 150.000 nəfərlik əhatəyə sahib Unbound şəbəkəsinə giriş

– Birəbir investorlarla Abu Dhabidə görüş və investisiya imkanları

– Genişlənmə imkanları

Əlavə olaraq sağlamlıq texnologiyaları, enerji və təbiət texnologiyaları mövzulu startaplar isə TIP Summit yarışında iştirak etmək üçün yerləşdirilmiş link vasitəsilə ilkin qedyiyyatlarını tamamlaya bilərlər. Məlumat üçün qeyd edək ki, TIP Summit MENA bölgəsinin ən aktiv Texnologiya və İnnovasiya tədbirlərindən biri hesab olunur.

Hər iki kateqoriya üzrə qalib startapların təqdimatları və qaliblərin elanı 5 Avqust tarixində Caspian Plazada yerləşən Start Coworking mərkəzində baş tutacaq tədbirdə olacaq. 

Tədbirin proqramı və haqqında daha ətraflı məlumatı buradan əldə edə bilərsiniz.