“Elnur Həsənov məcbur etdi saçımı qaraltdım, Ruxanın təkidi ilə də çimərlik geyimindən istifadə etdim. Mənim üçün hər şey musiqidir”.
Terefsiz.az saytı bu sözləri Axşam.az-a açıqlamasında Xalq artisti Brilliant Dadaşova deyib. Son günlər fərqli geyim tərzi və saç düzmü ilə diqqət çəkən müğənni imicindəki dəyişikliklərdən bəhs edib.
Dadaşova bildirib ki, atasının arzusu onu qara saçda görmək olub:
“Anadan qarasaç doğulursan. Böyüyənə qədər güzgüyə baxanda qara saç görürsən. Mən doğulanda atam deyib ki, nəhayət, qarasaç qızım oldu. Çünki evimizdə hamının saçı qəhvəyi idi. Atam isə qara bəyənirdi.
Səhnəyə çıxanda, böyük görsənmək istəyirdim, saçımı saraldırdım. İndi daha balaca görünmək istəyir, qaraldıram. İndi saçımı tündləşdirdilər, ilk dəfə güzgüdə özümə baxanda, uşaqlıq illərimə qayıtdım.
Amma etiraf edim ki, sarı mənim üçün rahatdır. Qara saçı yuyan kimi solur. Hələlik bu saçla dolaşacam”.
Terefsiz.az
