ABŞ arzusunda olanların nəzərinə – Sosial şəbəkələr yoxlanılır

ABŞ Dövlət Departamenti Amerika vizası üçün müraciət edənlərdən sosial şəbəkələrinin ünvanını tələb etməyə başlayıb.

Bu barədə Terefsiz.az “Associated Press”-ə istinadla xəbər verir.

Agentliyin məlumatına əsasən, ABŞ-a bütün viza tipləri almaq üçün yeni anket forması mayın 31-dən qüvvəyə minib. Ərizədə “sosial şəbəkələrin identifikasiya məlumatları” bölməsi yerləşdirilib. Ərizə verən sosial şəbəkələrdən istifadə etmədiyini bildirə bilər, lakin yalan informasiyaya görə xoşagəlməz nəticə gözlənilir.

Dövlət Departamentində bildirilib ki, bu yenilik terroristləri və cəmiyyət üçün təhlükəli olan insanları izləməyə kömək edəcək. Onlara ABŞ ərazisinə giriş qadağa olunacaq.

Terefsiz.az