TEREFSİZ.AZ saytı xəbər verir ki, ABŞ-ın Texas ştatının Leyk Cekson şəhərində içməli su sistemində beyin yeyən amöb kimi tanınan və insanın sinir sistemini zədələyən ölümcül təhlükəli “Neqleriya Foulera” paraziti aşkarlanıb.

Tibb işçilərinin verdiyi məlumata görə, bu xəstəliyə adətən çayda çimərkən və ya suya baş vurarkən yoluxulur.

“İnsanın içdiyi suda olanda “Neqleriya Foulera” amöbü infeksiya yaratmır, çünki mədə şirəsi onu məhv edir. Lakin bu parazit burundan insan orqanizminə düşsə, infeksiyaya səbəb olur”, – deyə ekspertlər bildiriblər.

Onların sözlərinə görə, xəstəlik insandan insana keçmir.

O da bildirilir ki, bu parazitə yoluxmanın simptomları arasında qızdırma, mədə bulantısı, qusma və baş ağrısı var. Xəstələnən insanlar bir həftə içində ölür.

İstinad: lenta.ru