Klublar səviyyəsində Avropa futbolunun iki nömrəli turniri olan UEFA Avropa Liqasında finala yüksələn komandalar Frankfurt “Ayntraxt”ı və “Reyncers” olub.
“Vest Hem Yunayted”i ümumi nəticədə 3-1 hesabı ilə mübarizədən kənarlaşdıran “Ayntraxt Frankfurt” 42 ildən sonra Kubok 2-də finala imza atmağı bacarıb.
İlk matçda 1-0 uduzduğu RB Leipzig-i öz meydanında 3-1 hesabı ilə məğlub edən Reyncers, 14 il sonra tarixində ikinci dəfə UEFA Avropa Liqasının finalına vəsiqə qazanıb.
UEFA AVROPA LİQASI
UEFA Avropa Liqasının final oyunu olan “Ayntraxt Frankfurt” – “Reyncers” mayın 18-də İspaniyanın Sevilya şəhərindəki “Ramon Sançes-Pizxuan” stadionunda keçiriləcək.
UEFA Konfrans Liqası
UEFA Konfrans Liqasında finala yüksələn komandalar “Roma” və “Feyenoord” olub.
“Feyenoord” ilk matçda “Marsel“i 3:2 hesabı ilə məğlub edib, səfərdə 0:0 hesablı heç-heçə edib və finala vəsiqə qazanıb.
Bu mövsüm ilk dəfə təşkil olunan UEFA Avropa Konfrans Liqasının finalı “Roma” və “Feyenoord” komandaları arasında mayın 25-də Albaniyanın paytaxtı Tirana Milli Stadionunda oynanılacaq.
TEREFSIZ.AZ
