Futbol üzrə Niderland Erediviziyasında 2021/2022 mövsümünün qalibi bəlli olub.
XXXIII turda evində “Herenven”i 5:0 hesabı ilə darmadağın edən “Ayaks” vaxtından əvvəl qızıl medallara sahib çıxıb. Sona 1 tur qalmış çempionluğunu rəsmiləşdirən Amsterdam təmsilçisi ümumilikdə 36-cı dəfə bu titula yiyələnib.
Matça gəldikdə, meydan sahiblərindən qolları Nikolas Talyafiko, Stiven Bergeys, Sebastyen Alle, Brayan Brobbi və Edson Alvares vurublar. Komanda bu qələbədən sonra xalını 82-yə çatdırıb.
Qeyd edək ki, “PSV” 2-ci, “Feyenoord” isə 3-cü yerlərdə qərarlaşıb.
TEREFSİZ.AZ
