“Bu gün biz bəşər tarixinin ən üsyankar qəddar vəhşiliklərindən birinin – Holokost qurbanlarını yad edir və yas tuturuq”.
“Terefsiz.az” xəbər verir ki, bu barədə Azərbaycan Xarici İşlər Nazirliyinin tviterdə etdiyi paylaşımda bildirilib.
“Biz dini və etnik nifrət, soyqırım və insanlığa qarşı cinayətlərə qarşı həmrəyik”, – paylaşımda vurğulanıb.
Qeyd edək ki, Holokost İkinci Dünya müharibəsi dövründə Avropa yəhudilərinə qarşı yönəlmiş soyqırımıdır. 1941-ci ildən 1945-ci ilədək nasist Almaniyası işğal olunan ərazilərdə sistematik olaraq 6 milyona yaxın yəhudini qətlə yetirib.
BMT Baş Assambleyasının 2005-ci il 1 noyabr tarixli qətnaməsinə əsasən, hər il yanvarın 27-si Holokost Qurbanlarının Anım Günü kimi qeyd olunur.
On this day, we remember and mourn the victims of one of the most revolting atrocities in the human history – #Holocaust.
We stand united against religious and ethnic hatred, genocide and crimes against humanity. #HolocaustRemembranceDay pic.twitter.com/sgwlnLQBhd— MFA Azerbaijan 🇦🇿 (@AzerbaijanMFA) January 27, 2023
