UEFA Avropa Liqasının final matçının keçirildiyi Bakı Olimpiya Stadionunda Yerli Təşkilat Komitəsi maraqlı addımı ilə yadda qalıb.
Terefsiz.az saytı xəbər verir ki, stadionda Yerli Təşkilat Komitəsi iclas otaqlarına məşhur futbol əfsanələrimizin adlarını qoyub.
Məsələn, iclas otaqlarında Anatoli Banişevski, Ələkbər Məmmədov kimi veteran futbolçuların, Tofiq Bəhramov kimi referinin adını rast gəlmək olar.
Qeyd edək ki, bu gün “Arsenal” və “Çelsi” final görüşünə çıxacaq. Bakı Olimpiya Stadionundakı görüş saat 23:00-da baş tutacaq.
