Bu ilin ilk Ay tutulması baş tutub.
“Terefsiz.az” xəbər verir ki, bu, yarımkölgəli Ay tutulmasıdır.
Tutulma hadisəsi Bakı vaxtı ilə saat 19:14:08-də başlayıb və saat 23:31:40-da sona çatıb.
Tutulmanın maksimumu 21:22:55-də olub.
Yarımkölgəli Ay tutulmasını Cənub Şərqi Avropa, Asiyanın böyük hissəsi, Avstraliya, Afrika, Sakit okean, Atlantik, Hind okeanı, Antarktida görmək mümkün olacaq. Tutulma başlayanda Ay üfüqdən aşağıda olduğuna görə tutulma hadisəsi Azərbaycanda 19:38:00-dan etibarən müşahidə olunmağa başlayıb. Yarımkölgəli Ay tutulmasını görmək çətin olur, çünki kölgəli hissə Ayın qalan hissəsindən azacıq zəifdir.
Qeyd edək ki, ikinci Ay tutulması isə oktyabrın 28-də baş verəcək.
