“Polis ölkənin sabitliyi üçün ictimai asayişi təmin edir. Eyni zamanda, təhlükə olanda polis əməkdaşları əsgər kimi vətəni qoruyur. Mənim iki qardaşım da polis əməkdaşı olub”.
Terefsiz.az xəbər verir ki, bu sözləri Milli Məclisdə İnsan alverinə qarşı mübarizə üzrə Milli Koordinatorun illik hesabatı haqqında danışan BAXCP sədri, deputat Qüdrət Həsənquliyev deyib.
Həsənquliyev əlavə edib ki, Cinayət Axtarış İdarəsində çalışan zabitlərin əmək haqqı azdır: “Məndə olan məlumata görə, belə zabitlər 523 manat əmək haqqı alır. Əgər biz may ayında büdcəyə baxacağıqsa, bu məsələyə də diqqət etməliyik”.
Q. Həsənquliyev əlavə edib ki, Fövqəladə Hallar Nazirliyində əmək haqqı ümumi hesabla 350 manat təşkil edir. Hesab edirəm ki, bu məsələyə də baxılmalıdır”.
İstinad: Publika.az
Terefsiz.az
