Bakı şəhər Mədəniyyət Baş İdarəsinin təşkilatçılığı 28 oktyabr 2019-cu il, saat 18:00-da Azərbaycan Dövlət Gənc Tamaşaçılar Teatrında Azərbaycan ədəbiyyatının klassiki, müasir Azərbaycan dramaturgiyasının banisi, milli mədəniyyətimizin və incəsənətimizin inkişafına müstəsna xidmətlər göstərmiş görkəmli dramaturq, teatr və kino xadimi C. Cabbarlının 120 illiyinə həsr olunan “Cəfər Cabbarlı Mükafatı”nın təqdimat mərasimi keçirildi.
Terefsiz.az xəbər verir ki, tədbir “Cəfər Cabbarlı Mükafatı”nın aşağıdakı nominasiyalar üzrə mükafatlandırılması da həyata keçib.
- Ədəbiyyatşünaslıq nominasiyası üzrə
- Kino nominasiyası üzrə
- Ən yaxşı rejissor işi nominasiyası üzrə
- Teatr nominasiyası üzrə
- Mədəniyyət nominasiyası üzrə
- Mükafat komissiyasının “Xüsusi diplomu”
Təqdimat mərasimində Cəfər Cabbarlının ev muzeyinin direktoru Qəmər Seyfəddin qızı, filoloq elmlər doktoru, professor Asif Rüstəmli, respublikanın əməkdar artisti Əli Nur, respublikanın əməkdar artisti Hüsniyyə Mürvətova, respublikanın xalq artisti Azər Zeynalov, respublikanın əməkdar artisti Rəşad İlyasov, respublikanın xalq artisti Tünzalə Ağayeva, tanınmış müğənni Nadir Qafarzadə, müğənni Mehri Əsədulla və “Səma” rəqs ansambılının çıxışı baş tutub.
Terefsiz.az
foto: Sadıq Əliverdibəyli
TEREFSİZ.AZ
