Daha bir futbolçu Real-dan ayrılmağa qərar verdi
Real-ın daha bir futbolçusu komandanı tərk etmək qərarına gəlib.
Terefsiz.az-ın xarici mətbuata istinadən məlumatına görə, müdafiəçi Rafael Varandan sonra yarımmüdafiəçi Toni Kroos da karyerasını başqa klubda davam etdirməyi planlaşdırır.
29 yaşlı futbolçu Manchester City, Manchester United, İnter və Juventus-un maraq dairəsindədir. Almaniya millisinin üzvü özü də bu komandalardan birinə keçməkdə maraqlıdı. Real rəhbərliyi isə onun gedişindən sonra yaranacaq boşluğu Pol Poqba və Kristian Eriksen kimi oyunçularla doldurmaq niyyətindədir.
Qeyd edək ki, Toni Kroos 2014-cü ildən Real-ın formasını geyinir.
İsmayıl Abdullayev
