Niderland millisi Qətərdə keçirilən dünya çempionatında 1/8 final mərhələsinə vəsiqə qazanıb.
“Terefsiz.az”ın məlumatına görə, Lui Van Qalın baş məşqçi olduğu komanda A qrupunun sonuncu – III turunda ev sahibi Qətər seçməsi ilə üz-üzə gəlib.
Qarşılaşma Avropa təmsilçisinin 2:0 hesablı qələbəsi ilə bitib. Qolları 26-cı dəqiqədə Kodi Qakpo, 49-cu dəqiqədə Frenki de Yonq vurub.
“Narıncılar” 7 xalla qrup lideri kimi növbəti raunda yüksəlib. Niderland yığması pley-offda B qrupunda ikinci yeri tutan milli komanda ilə görüşəcək.
