“Azərbaycanın bölgələrində şəhid ailələri və qazilər üçün tikilən evlərə çıxarışların verilməsi aylarla uzadılır”.
Bunu Milli Məclisin plenar iclasında deputat Əziz Ələkbərli deyib.
“Nəticədə kommunal qurumlar aidiyyəti xidmətləri göstərə bilmirlər. Soyuqların düşdüyü bir vaxtda bunun nə anlama gəldiyi hamıya aydındır və bu məsələ təcili həll edilməlidir”, – deputat bildirib.
Onun sözlərinə görə, kənd evlərində mənzillərin əksəriyyətinin çıxarışı yoxdur: “Belə bir şəraitdə “Azəriqaz” İB və “Azərişıq” ASC-nin şəhid ailələri və qazilər üçün tikilən evlərin qaz və işıqla təmin olunmaması məsələsini də çıxarışa bağlamasını normal hesab etmirəm”.
Ə. Ələkbərli vurğulayıb ki, şəhid ailələrinin və qazilərin problemlərinin həlli ilə bağlı böyük işlər görülür.
