Cəmiyyətdə böyük narazılıq doğuran həm də bu oldu ki, məktəbin direktoru intihar cəhdindən sonra hələ sağ olan Elinanı sorğu-sual etmiş, təcili yardım xidmətinə hadisədən iki saat sonra zəng vurmuş, xəstəxanada qızın valideynlərini onun yanına buraxmamışdılar.
Elinanın faciəsi Azərbaycanda heç müzakirə olunmayan problemlərə diqqət çəkdi. Həmin gün məktəbdə baş verənlərin video-görüntüləri sosial şəbəkələrdə ildırım sürətilə yayılmışdı.
Növbəti “Elina dəhşəti”
Növbəti “Elina dəhşəti”Nizami rayonu 109 nömrəli orta məktəbdə baş verib. Məktəbin 5-ci sinif şagirdi Əliyeva Fatimə Şamxal qızı intihara əl atıb. Beləki, Fatiməyə uzun müddətdir məktəbin Nigar və Bahar adlı müəllimələrindən təzyiqlər varmış. Buna səbəb isə Fatimənin əvvəlcə həmin müəllimlərindən yanına hazırlığa getməsi, daha sonra başqa müəllim tapıb onlardan ayrılması olub. Ardınca məktəbdə Nigar müəllimə tərəfindən 50 manatdan pul yığılıb. Elinanın ailəsinin imkanı çatmadığı üçün 20 manat verməli olublar. Üst-üstə baş verən hər iki hadisədən sonra müəllimələr uşağa savaş açıblar.
“Oğlanla görüşürsən”
Hansı dərsə girsə Fatiməni lövhəyə çıxardıb yersiz tənqid və şər yaxmağa başlayıblar. İntihara səbəb də elə bu olub, İnformatika müəllimi olan Nigar yenə Fatiməni lövhəyə çıxardıb, uşaqların içində geyindiyi corabını, saçına taxdığı aksesuarı lağa qoymağa başlayıb, hamı yaranmış vəziyyətə gülüb. Ürəyi soyumayan Nigar müəllimə ardınca eyni ilə Elina kimi onu hansısa oğlanla danışmaqda və görüşməkdə suçlayıb. Bundan sarsılan Fatimə məktəbdən qayıtdıqdan sonra Whatsapp-la nənəsinə səs ataraq müəlləmiələrinin onu canından bezdirdiyini, ona əxlaqsız damğası vurduqlarını, uşaqların içində dayanmadan alçaldıb təhqir etdiklərini, artıq yaşamaq istəmədiyini deyib.
“Qələt edir şagird də, onun valideyni də”
Sonra telefonu bağlayıb, xəstə atasının qəbul etdiyi bütün dərmanları içib və intihar edib. Otağında onu huşsuz vəziyyətdə tapa valdeynlər onu təcili olaraq Kliniki Tibbi Mərkəzə (Semaşko) çatdırıblar. Uşaq 17 saat komada qalıb. Hazırda Nizami rayonu 24-cü polis idarəsində Fatimə Əliyevanın intihara cəhd etməsi faktı ilə bağlı Cinayət Məcəlləsinin “özünü öldürmə həddinə çatdırma” maddəsi ilə cinayət işi başladılıb tərəfindən araşdırma aparılır.
Terefsiz.az saytı xəbər verir ki, bununla bağlı olaraq, ” Cəmiyyət İnformasiya Agentliyi ” məlumat verib. Həmçinin, mətbuat xidməti aşağıdakıları da qeyd edib:
Fatimə Əliyevanın intiharı ilə bağlı məktəbin direktoru Fizuli Xudiyevə zəng etdik. Cəmiyyət İnformasiya Agentliyindən olduğumuzu və ailənin şikayət etdiyini söyləyən kimi Fizuli Xudiyev səsini başına atdı: “Əşşi, nə mətbuat, nə agentlik e… Məsələni prokrorluq araşdırır, qələt edir şikayət edən valideyn də, şagird də” deyib, telefonu üzümüzə bağladı.
İstinad: Cəmiyyət İnformasiya Agentliyi
Terefsiz.az
