Bir sıra şəhər və rayonlarında tətbiq edilən sərtləşdirilmiş xüsusi karantin rejimini pozaraq “Fairmont Baku” otelində istirahət edən şəxslərdən biri jurnalistləri təhqir edib.
Terefsiz.az xəbər verir ki, ad və soyadı məlum olmayan şəxs “İnstagram” hesabında yaydığı videoda həqarətlə çıxış edib:
“Maşallah, hara gedirik, oralar quruyur. Sağ olsun, hansısa işverənlər paylaşımlarımızı saytlara verdilər və “Fairmont” da bağlandı. Rahat olun, xəbər saytları, bizi buradan da etdiniz. Görək, növbəti istirahətimizi etməyə haranı tapırıq” deyə o bildirib.
Qeyd edək ki, bu gün “Fairmont Baku” otelində polis əməkdaşları əməliyyat keçirib.
