Dəyərli oxuyucularımız, bu gün sizi gənc rəssam Məhsun Hüseynovla tanış edəcəyik.
Məhsun Hüseynov 19 avqust 1997ci ildə Bakı şəhərində dünyaya gəlib. Özünü tanıdığın gündən rəsm çəkməklə məşğuldur. Məhsun 34 saylı orta məktəbi bitirdikdən sonra, Kooperasiya universitetinin İqtisadiyyat fakultəsinə daxil olub. İxtisas kimi rəssamlığı seçməyən gənc hal-hazırda ölkəmizdə az müraciət olunan hiper realizm cərəyanının nümayəndəsidir. Əsasən portret janrıyla məşğul olmasına baxmayaraq, gələcəkdə digər stil və janrlara da müraciət edəcəyini bildirdi. Əsasən sadə karandaşla rəsm çəkdiyi halda, bəzən istisnalar da olur. Məsələn, divara sırf divar üçün nəzərdə tutulmuş akril boyayla portret də çəkib.
Sonda gənc rəssamın oxuyucularımıza qısa müraciəti də var: “Heç kimi dinləməyin, bacardığınız və sevdiyiniz işlə məşğul olun. Fərqi yoxdu incəsənətin hansı növüdür bu: rəsm, musiqi, heykəltaraşlıq və s. İncəsənətə vaxt ayırın”.
Rəssam dostumuza seçdiyi işdə müvəffəqiyyətlər diləyib, tezliklə ilk sərgisini keçirməyi arzu edirik.
Siz oxuyuculara isə, gəncimizin çəkdiyi əsərlərdən bəzilərini təqdim edirik.
