Jurnalistləri və sosial şəbəkə istifadəçilərini təhqir edən şəxs saxlanılıb.
Terefsiz.az – ın məlumatına görə həmin şəxsin kimliyi müəyyən edilib və polis idarəsinə aparılıb.
O, Cəlilabad rayonundan olan, iş adamı Fətulla Babayevin 1992-ci il təvəllüdlü oğlu İsmayıl Babayevdir.
Onun barəsində qanunvericiliyə uyğun şəkildə tədbir görüləcək. Onun məhkəməyə çıxarılacağı da istisna edilmir.
Qeyd edək ki, bu gün “Fairmont Baku” otelində karantin rejimini pozanlar arasında olan şəxslərdən biri sosial şəbəkədə paylaşım edərək jurnalistləri onun istirahətini pozmaqda ittiham etmişdi.
O, video çəkərək media nümayənələrini və sosial şəbəkə istifadəçilərini “işverən” adlandırmışdı.
Daha sonra Daxili İşlər Nazirliyinin həmin oteldə saxladıqları şəxslər arasında həmin şəxsin olmaması sosial şəbəkə istifadəçiləri arasında birmənalı qarşılanmamışdı.
