“Mançester Siti” futbol komandası İngiltərə kubokunun 1/32 final matçında “Port Veyl” klubunu qəbul edib.
Terefsiz.az xəbər verir ki, görüş Mançesterdəki “Etihad” stadionunda baş tutub və meydan sahiblərinin 4:1 hesablı qələbəsi ilə başa çatıb.
Matçda hesab artıq 19-cu dəqiqədə açılıb — meydan sahiblərinin ukraynalı legioneri Aleksandr Zinçenko fərqlənib. Qonaqlar matçın 35-ci dəqiqəsində hesabı bərabərləşdiriblər, ancaq fasiləyə az qalmış meydan sahibləri yenə hesabda önə çıxıblar – Serxio Aquero komandasının ikinci qolunu vurub.
Qarşılaşmanın ikinci hissəsində yalnız “Mançester Siti” azarkeşlərini sevindirib – 58-ci dəqiqədə Teylor Harvud-Bellis fərqlənib, 76-cı dəqiqədə Filip Foden qonaqları 4-cü dəfə oyuna mərkəzə başlamağa məcbur edib.
