Manchester United-dən rekord transfer
Gələn mövsüm Premyer Liqa çempionluğuna iddia etmək istəyən Manchester United yayda heyətini buna uyğun formalaşdıracaq.
Terefsiz.az xəbər verir ki, “qırmızı şeytanlar” yay transferləri üçün ciddi büdcə ayırıb.
“Mankunianlar”ın ilk hədəfi isə Napoli-nin mərkəz müdafiəçisi Xalidu Kulibalidir. İki ildi ulduz futbolçunun keçidində israrlı olan ingilislər transferin, nəhayət, reallaşması üçün qarşı tərəfə 90 milyon funt-sterlinq təklif edib. Seneqallı futbolçunun sərbəst qalma məbləği 129 milyon funt-sterlinq olsa da, Neapol təmsilçisi onu 90-100 milyon arası satmağa razıdır.
Əgər Manchester United 28 yaşlı oyunçunu heyətinə qata bilsə, Kulibali futbol tarixinin ən bahalı müdafiəçisi olacaq.
İsmayıl Abdullayev
Terefsiz.az
