ABŞ-ın Milli Aerokosmik Agentliyi (NASA) Aya göndərəcəyi “Artemis 1” missiyasının buraxılışını təxirə salıb.
“Terefsiz.az” xəbər verir ki, bu barədə agentliyin açıqlamasında deyilir.
Qeyd olunur ki, “Orion” kosmik aparatını daşıyan missiya dünən Bakı vaxtilə saat 16:33-də yola düşməli idi.
Təxirə salınmaya mühərrikdə yaranan texniki nasazlıq səbəb olub.
Qeyd edək ki, NASA növbəti 10 il ərzində Aya insan göndərmək üçün “Artemis” proqramını işə salıb.
Tarixi uçuşun cümə günü baş tutması gözlənilir
Bu addımın həyata keçməsindən sonra Space Launch System – SLS (Kosmos Uçuş Sistemi) olaraq bilinən kosmik gəmi, Orion kapsulunu Ay’ın orbitinə daşıyacaq.
SLS NASA-nın bu günə qədərki ən güclü roketidir. Orion kapsulu Ay və onun ətrafındakı 42 günlük missiyasını yerinə yetirmək üçün göndərilir və oktyabrın 10-da ilk missiyasını başa vuraraq, San Dieqo yaxınlığında Sakit okeana enəcək.
