Bakının Binəqədi rayonunun Xocəsən qəsəbəsində bıçaqlanma hadisəsi baş verib.
Terefsiz.az saytının məlumatına görə, 1971-ci il təvəllüdlü Seyfəddinov Əlifağa sərxoş vəziyyətdə olan dostu tərəfindən bıçaqlanıb.
Yaralı Respublika Kliniki Xəstəxanasına yerləşdirilib. Hazırda S.Əlifağanın vəziyyəti qənaətbəxşdir.
Terefsiz.az
ABŞ və Çin mayın sonu və ya iyunun əvvəli ticarət sazişi imzalaya bilərlər.
Terefsiz.az bildirir ki, sazişin imzalanmasında əvvəl tərəflər bir neçə dəfə danışıqlar keçirmək niyyətindədirlər.
Təxminən 2 həftə sonra ABŞ-ın maliyyə naziri Stiven Mnuçin və ölkənin ticarət danışıqlarında nümayəndəsi Robert Laythayzer Pekinə səfər edəcəklər. Bundan bir həftə sonra Çinin baş nazirinin müavini Lyu Xenin rəhbərlik etdiyi nümayəndə heyəti Vaşinqtona səfər edəcək.
Məlumata əsasən, danışıqlar uğurlu keçərsə tərəflər may ayının sonu və ya iyun ayının əvvəli ticarət sazişi imzalayacaqlar.
Terefsiz.az
Yelsk Universitetinin alimləri ölmüş donuzun beynini ölüm təsdiq edildikdən 4 saat sonra diriltməyi bacarıblar.
Terefsiz.az bildirir ki, beynin yenidən canlanması üçün mütəxəssislər süni qan dövranı və xüsusi zülal kokteylindən istifadə ediblər. Nature jurnalının məlumatına görə,alimlər xüsusi avadanlığa qoşulmuş ölmüş beyinin 4 saat sonra oksigen çatışmazlığına davamlı olduğunu və süni qan dövranına qoşulduqdan sonra kiçik kapilyarların işinin bərpa edildiyini müşahidə ediblər.
Hələ ki, şüurun bütövlükdə qayıtması və beyinin tam şəkildə fəaliyyətinin bərpası mümkün olmasa da, alimlər bir müddət sonra daha böyük uğur əldə ediləcəyinə ümidvardırlar.
Terefsiz.az
Qazaxıstanın birinci prezidenti Nursultan Nazarbayev Avrasiya İqtisadi İttifaqının fəxri sədri titulunu ala bilər.
Terefsiz.az xəbər verir ki, bu haqda təşkilatdakı mənbəyə istinadən “Kommersant” nəşri bildirib.
Nəşrin həmsöhbəti qeyd edib ki, təşkilatda Nazarbayevə belə bir titul vermək barədə qərar qəbul ediblər, çünki, məhz o ittifaqın yaradılması ideyasının müəllifi idi. İndi bu vəzifə mövcud deyil və buna görə də Qazaxıstanın sabiq prezidentinin hansı səlahiyyətlərə malik olacağı məlum deyil.
Terefsiz.az
Braziliyanın Rio-de-Janeyro şəhərində iki qeyri-qanuni tikilmiş binanın uçması nəticəsində ölənlərin sayı 18 nəfər çatıb.
Terefsiz.az saytı “RİA Novosti”yə istinadən verdiyi məlumata görə, daha əvvəl 15 nəfərin öldüyü bildirilirdi.
Binaların uçmasının dəqiq səbəbi barədə hələki məlumat yoxdur, Hələlik bildirilir ki, binalar yağışların ən çox zərər vurduğu rayonda yerləşir.
Bundan əlavə binaların uçması nəticəsində 8 nəfər xəsarət alıb, onlardan 3-ü xəstəxanadadır.
Terefsiz.az
Bakının Qaradağ rayonu ərazisində piyadanın ölümü ilə nəticələnən yol qəzası baş verib.
Terefsiz.az xəbər verir ki, Xocahəsən yolu ilə hərəkətdə olan “Mercedes” markalı avtomobil 1950-ci il təvəllüdlü Əsgərov Əli Əsgər oğlunu vurub.
Hadisəni törədən şəxs (ad-soyad hələ ki, məlum deyil) yaralını dərhal 1 saylı Kliniki Tibbi Mərkəzə aparıb. Lakin ağır kəllə-beyin travması almış kişinin həyatını xilas etmək mümkün olmayıb.
Terefsiz.az
Terefsiz.az saytı xəbər verir ki, ABŞ-da nəşr olunan “Time” dərgisi 2019-cu ilin 100 ən nüfuzlu şəxsinin siyahısını təqdim edib.
Bu gün dərginin saytında həmin şəxslər “Liderlər”, “Artistlər”, “Səcdəgahlar”, “Öncüllər” və “Azmanlar” bölmələri üzrə təqdim olunub.
Belə ki, “Liderlər” bölməsinə ABŞ Prezidenti Donald Tramp, İsrailin Baş naziri Binyamin Netanyahu, Roma papası Fransisk, Çinin dövlət başçısı Si Cinpin, İtaliyanın Baş nazirinin müavini Matteo Salvini, Venesuela müxalifətinin lideri Xuan Quaido kimi şəxslər daxil edilib.
“Artistlər” bölməsində amerikalı aktyor və prodüser Dueyn Consonla yanaşı, Rəmi Malik, Mahirşələ Əli, Emiliya Klark, Recina Kinq, Yalitza Aparisio kimi simalar da var.
“Səcdəgahlar” arasında müğənnilər Teylor Svift və Ledi Qaqa, ABŞ-ın sabiq Prezidenti Barak Obamanın xanımı Mişel Obama, rejissor Spayk Li, rəssam David Hokni, dizayner Pier Paolo Piççolikimilərin adı çəkilir.
“Azmanlar” arasında misirli futbolçu Məhəmməd Salah, basketbolçu LeBron James, “Facebook”un təsisçisi və rəhbəri Mark Sukerberq, qolfçu Tayger Vuds, ABŞ Federal Ehtiyatlar Sisteminin sədri Cerom Pauell kimi adlara rast gəlirik.
Terefsiz.az
Bakının Dənizkənarı Milli Parkı ərazisində gənc qadın intihara cəhd edib.
Terefsiz.az məlumatına görə,1990-cı il təvəllüdlü Ağamalıyeva Mənsurə Mehman qızı özünü dənizə atıb.
Yaxınlıqdakı insanların köməkliyi ilə dənizdən çıxarılan və 1 saylı Kliniki Tibbi Mərkəzə aparılan qıza təcili tibbi yardım göstərilib.
Onun vəziyyətinin qənaətbəxş olduğu bildirilir.
Hadisənin səbəbləri araşdırılır.
İstinad: Oxu.az
Amerika administrasiyası Nikaraqua prezidenti Daniel Orteqanın oğlu Laureano Orteqa, həmçinin yerli “Bancorp” bankına (Banco Corporativo SA) qarşı sanksiya tətbiq edir.
Terefsiz.az TASS-a istinadən xəbər verir ki, bunu ABŞ prezidentinin milli təhlükəsizlik üzrə köməkçisi Con Bolton çərşənbə günü Mayamidə “Fox News” televiziyası ilə yayımlanan verilişdə deyib.
“Elan etməyə şadam ki, Birləşmiş Ştatlar bu gün “Bancorp”a, [Nikaraqua prezidenti Daniel] Orteqanın “qara xəzinəsi”nə qarşı sanksiyalar tətbiq edəcək. Bu gün biz həmçinin rejimin varisi olan və böyük korrupsiya sxemlərinə cəlb olunan Laureano Orteqaya qarşı sanksiyaları elan edirik”, – deyə Bolton bildirib.
ABŞ prezidentinin köməkçisi həmçinin qeyd edib ki, Vaşinqton Venesuela Milli Bankına qarşı sanksiyalar, həmçinin Kubada qohumları olmayan amerikalıların oraya səfər etmələrinə məhdudiyyət tətbiq edir.
Terefsiz.az
Çempionlar Liqasında 1/4 final mərhələsinə yekun vurulub.
Terefsiz.az-ın məlumatına görə, bununla da yarımfinala vəsiqə qazanan son iki komanda müəyyənləşib.
“Liverpul” səfərdə “Portu”nun qonağı olub. İlk görüşdə evdə rəqibini 2:0 hesabı ilə məğlub edən mersisaydlılar bu dəfə 4:1 hesablı qələbə qazanaraq yarımfinala yüksəlib.
Gecənin əsas oyunu isə ingilis klubları arasında keçirilib. İlk qarşılaşmada səfərdə “Tottenhem”ə 0:1 hesabı ilə uduzan “Mançester Siti” doğma meydanda məğlubiyyətin əvəzini çıxmağa çalışıb. “Şəhərlilər” 4:3 hesablı qələbə qazansa da, bu nəticə London klubunu yarımfinala yüksəldib.
Qeyd edək ki, “Liverpul” yarımfinalda “Barselona”, “Tottenhem” isə Ayaks”la qarşılaşacaq.
