Sumqayıt şəhərinin 6-cı, 10-cu, 12-ci mikrorayonlarında aprelin 2-də elektrik enerjisinin verilişində qısa müddətli fasilələr yaranacaq.
Fasiləyə səbəb “Sumqayıt Dəmiryolu İdarəsi” tərəfindən tunel-keçid tikilən ərazidən elektrik xətlərinin köçürülməsidir.
“Azərişıq” ASC yaranacaq narahatlığa görə abunəçilərdən üzr istəyir.
İstinad:Publika.az
“Tədqiqatda 325 qadının qidalanma menyusu nəzərdən keçirilib. Tədqiqatlar nəticəsində məlum olub ki, bəzi qadınların menyusunda tərkibinə pestisit daxil olan meyvə və tərəvəzlər üstünlük təşkil edir.
Bu könüllü iştirakçılardan 228-i uşaq sahibi olub. Amma uşaq sahibi olan qadınların daha az pestisitli məhsullara üstünlük verdiyi üzə çıxıb. Məlum olub ki, qışda yaz və yay mövsümünün meyvə və tərəvəzlərini yeyən qadınların süni mayalanma yolu ilə uşaq sahibi olmaq şansı azdır.
Heyvanlar üzərində aparılan tədqiqatlarda pestisidlərin endokrin sistemin funksiyasını pozduğu da müşahidə olunub”.
İstinad:Mətbuat.az
Qalmaqallı video ilə bağlı saxlanılan 3 qadın ifadəsi alındıqdan sonra sərbəst buraxılıb.
Tərəfsiz.az xəbər verir ki, qalmaqallı video ilə əlaqədar 2 kişi və 3 qadın Nəsimi Rayon Polis İdarəsinə dəvət olunub.
Polisə ifadə verən qadınlar videonun yayılmasıı ilə bağlı narahat olduqlarını bildiriblər. İzahatları alınandan sonra hər 3 qadın sərbəst buraxılıb.
Qeyd edək ki, paytaxtdan kənardakı bağ evlərindən birində Bakı şəhər sakini Valeh İsrafilov və Rusiya Federasiyası vətəndaşı, əvvəllər məhkum olunmuş Cahid Kərimov tərəfindən təşkil olunan məclisdə iştirak edən 3 qadının mahnı oxuyan yerdə çılpaq görüntüləri yayılıb. Daxili İşlər Nazirliyinin mətbuat xidmətinin məlumatına görə, ictimai qınağa tuş gələn görüntülər məhz C.Kərimov tərəfindən çəkilərək sosial şəbəkədə yayımlanıb.
İstinad:Ölkə.az
Qaradağ rayonunda yol nəqliyyat hadisəsi baş verib. Minik avtomobili dirəyə çırpılıb.
Tərəfsiz.az-ın verdiyi məlumata görə, hadisə nəticəsində 65-68 yaşlarında kişi dünyasını dəyişib. 45 yaşlı kişi qapalı kəllə beyin travması ilə Kliniki Tibbi Mərkəzə yerləşdirilib.
Daha sonra minik avtomobilinin arxasınca hərəkət edən “Sprinter” minik avtomobilinə çırpılıb. Bu zaman isə iki qadın və bir kişi müxtəlif yüngül travmalar alıb. Həmin şəxslər də Kliniki Tibbi Mərkəzə yerləşdirilib.
İstinad:Publika.az
Tərtərdə iki taksi toqquşub,xəsarət alanlar var.
Tərəfsiz.az-ın verdiyi məlumata görə, taksi fəaliyyəti ilə məşğul olan “VAZ-2106” və “VAZ-2107” markalı minik avtomobilləri toqquşub. Nəticədə hər iki avtomobildə olan sərnişinlər xəsarət alıb. Yaralılar Tərtər Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
İstinad:Report.az
Martın 23-ü dünyasını dəyişən mərhum meyxanaçı Aydın Xırdalanlının (Quliyev) ölümü həm onu sevənlərin, həm də dostlarının böyük üzüntüsünə səbəb olub.
Tərəfsiz.az xəbər verir ki, Namiq Qaraçuxurlu “Hər şey daxil”də Aydının ölümü ilə barışmadığını deyib.
Namiq mərhum həmkarının ölümünün ona çox təsir etdiyini qeyd edib:
“Mən nə qədər tənzimləsəm də, o, dünyasını dəyişəcək, o dünyasını dəyişəndə mənə həddindən artıq təsir etdi. Təsəvvür edin, indi Aydın yoxdur. Mən ona yox kimi baxa bilmirəm. Ha baxıram onun videolarına, elə təsəvvür edirəm ki, Aydın yoxdur həyatda. Çox qəribədir, insanlar onu o qədər sevgi ilə yad edirlər ki, mən onu dünyasını dəyişmiş kimi qəbul etmirəm”.
Qeyd edək ki, mərhum meyxanaçı 42 yaşında qaraciyər serrozundan dünyasını dəyişib.
İstinad:Milli az
2018-ci ildə Azərbaycanda 751 uşaq övladlığa götürülüb ki, bu da 2017-ci illə müqayisədə 14,4 faiz azdır.
Tərəfsiz.az xəbər verir ki, əvvəlki ilə nisbətən övladlığa götürülən oğlanların sayı 13,7 faiz azalaraq 402 nəfər, qızların sayı 15,1 faiz azalaraq 349 nəfər olub.
2018-ci ildə əvvəlki illə müqayisədə övladlığa götürülmüş 3 yaşa qədər olan uşaqların sayında 10,5 faiz, 3-5 yaşlı uşaqların sayında 19,2 faiz, 6-10 yaşlı uşaqların sayında 21,0 faiz, 11-17 yaşlı uşaqların sayında isə 11,9 faiz azalma müşahidə olunub və bu yaş qruplarında müvafiq olaraq 376, 139, 132 və 104 uşaq övladlığa götürülüb.
İspaniya La Liqasının 29-cu turunda keçirilən “Real” – “Hueska” oyunu (3:2) meydan sahiblərinin futbolçusu Kərim Benzema üçün əlamətdar olub.
Tərəfsiz.az xəbər verir ki, matçda qələbə qolu vuran fransalı hücumçu bununla da La Liqada qarşılaşdığı bütün rəqiblərinin qapısına yol tapıb. Benzema indiyədək La Liqa 34 komandanın qapısından 141 top keçirib.
Qeyd edək ki, 31 yaşlı forvard 2009-cu ildən Madrid klubunda çıxış edir.
İstinad:Qol.az
Terefsiz.az – in məlumatına görə, bunu AFFA-nın baş katibi Elxan Məmmədov məşhur futbolçu Maykl Essyenin Azərbaycan Premyer Liqasında çıxış edən “Səbail” klubu ilə müqavilə bağlamasına münasibət bildirərkən deyib.
O bildirib ki, 37 yaşlı qanalı yarımmüdafiəçinin Bakı təmsilçisinə gəlişi ölkənin reklamı baxımından da faydalıdır: “Bu, təkcə Premyer Liqanın yox, Azərbaycanın reklamı oldu. Dünyada bildilər ki, belə bir futbolçu Azərbaycana gəlib və “Səbail” ilə müqavilə bağlayıb. “Səbail”in adı Qərbi Avropaya, Asiyaya, Amerikaya qədər səsləndi. Az sayda bu cür keyfiyyətli futbolçuların gətirilməsi yaxşı haldır. Azərbaycan futbolçuları daha çox oynamalıdırlar. Bizdə limit var. AFFA İcraiyyə Komitəsi 2008-ci ildən bu sistemi tətbiq edib və cədvələ uyğun gedir. Bu gün 6 legioner əsas heyətdə yer ala bilərsə, klublar niyə 10 əcnəbi gətirir? Əcnəbi gəlibsə, oynasın. Oynaya bilmirsə, onda heç gəlməsin. 10 nəfər gətirməkdənsə, 3 nəfər daha keyfiyyətlisini gətirsinlər. Belədə yerli oyunçular onların yanında təcrübə qazanacaqlar. Bu sözlərim klubların işinə qarışmaq yox, tövsiyyədir. Bir azarkeşin, AFFA funksionerinin arzusudur”.
Qeyd edək ki, “Səbail” M.Essyenlə 2020-ci ilin iyuluna qədər müqavilə bağlayıb.
Aprelin 1-dən etibarən Ukraynanın təşəbbüsü ilə bu ölkə və Rusiya Federasiyası arasında dostluq, əməkdaşlıq, tərəfdaşlıq müqaviləsi qüvvədən düşür.
Terefsiz.az bu barədə xəbər verir ki, ötən il dekabrın 6-da Ukrayna parlamentində 1 aprel 2019-cu il tarixindən qüvvədən düşməsi lehinə səs verildiyi bu müqaviləyə dair ölkə Prezidentinin imzaladığı və keçən il dekabrın 12-dən qüvvəyə minən müvafiq qanuna əsasən, Ukraynaya qarşı hərbi təcavüza yol verən Rusiya həmin müqaviləni birtərəfli qaydada pozub.
İstinad: “İnterfax”
