• Ermənistan müdafiə naziri David Tonoyanın Nyu-Yorkda erməni icması ilə görüş zamanı “sülh naminə ərazi” formulasının əvəzinə “yeni ərazilər üçün yeni müharibə” fikrini səsləndirməsi bu ölkənin işğalçı və qəsbkar siyasətinin Ermənistanın yüksək səviyyəli rəsmisi tərəfindən növbəti etirafıdır.

  Terefsiz.az – ın məlumatına görə, bu barədə Azərbaycan Respublikası Xarici İşlər Nazirliyinin Mətbuat Xidmətinin şərhində qeyd olunub. Bildirilib ki, Ermənistan müdafiə naziri D.Tonoyanın Nyu-Yorkda erməni icması ilə görüş zamanı “sülh naminə ərazi” formulasının əvəzinə “yeni ərazilər üçün yeni müharibə” fikrini səsləndirməsi bu ölkənin işğalçı və qəsbkar siyasətinin Ermənistanın yüksək səviyyəli rəsmisi tərəfindən növbəti etirafıdır.

  “Ermənistan Baş nazirinin Vyanada Azərbaycan dövlət başçısı ilə görüşü nəticəsində münaqişənin sülh yolu ilə həlli üzrə danışıqlar prosesində konkret və nəticəyə yönəlik addımların atılması və sülh mühitinin yaradılması ilə bağlı qəbul edilən birgə bəyanatdan dərhal sonra erməni müdafiə nazirinin belə bir çıxışı təhrikçi xarakter daşıyır və münaqişənin sülh yolu ilə həllinə və bu xüsusda Minsk Qrupunun həmsədrlərinin simasında beynəlxalq ictimaiyyətin səylərinə qarşı çıxır.

  Ermənistan tərəfinin diqqətinə çatdırırıq ki, bu gün Azərbaycan Silahlı Qüvvələri dünyanın ən güclü orduları sırasında yer alır və beynəlxalq hüququn ona verdiyi özünümüdafiə haqqı ilə Azərbaycan işğal edilmiş torpaqlarını qısa müddətdə azad etmək iqtidarındadır”.

  Qeyd olunub ki, Azərbaycan Ermənistan kimi digər dövlətlərin ərazilərinə iddialarla çıxış etmir və ərazilər zəbt etmək fikrində deyil: “Azərbaycanın tələbi BMT TŞ-nin müvafiq qətnamələrinə uyğun olaraq, onun beynəlxalq tanınmış ərazilərindən işğalçı Ermənistan qüvvələrinin dərhal, tam və qeyd-şərtsiz çıxmasıdır. Bütün bu illər ərzində beynəlxalq ictimaiyyətin dəsətəyi ilə aparılan səylərimiz məhz bu məqsədə yönəlib. Əks təqdirdə, Azərbaycan beynəlxalq hüququn müvafiq norma və prinsipləri, o cümlədən BMT Nizamnaməsini rəhbər tutaraq öz torpaqlarını bütün digər vasitələrlə erməni işğalından azad etməyə hazırdır və bundan ən yaxşı xəbərdar olan elə məhz Ermənistandır.

  Yekunda müdafiə nazirinin çıxışı kontekstində Ermənistan ali rəhbərliyinin şərhlərini eşitmək istərdik: Nazir bu çıxışını Ermənistan rəhbərliyinin razılığı əsasında edibmi, yoxsa bu Nazirin ən azından danışıqların mahiyyətini və nəticədə qəbul edilmiş birgə bəyanatı şübhə altına alan şəxsi improvizasiyasıdırmı?”

• İstinad: report.az

• ” Heykəl məhbusu” kimi tanınan fəal Bayram Məmmədov azadlığa çıxdıqdan sonra “yenidən saxlanılıb”, onun atası bildirir.

  Terefsiz.az BBC NEWS – a istinadən Azərbaycancaya danışan Bayramın atası oğlunun evdən “hansısa kağıza qol çəkmək üçün” aparıldığını deyib.

  Fərman Məmmədov oğlunun həbsinin dəqiq səbəbini bilmir: “Guya yolda polisi söyüb… Ona 30 sutka həbs verildiyini deyirlər”, – Fərman Məmmədov oğlunun saxlanıldığı Sabunçu rayon Polis İdarəsindən telefonla bildirib.
  “Sabunçu polisində idi. Ordan da dedilər ki, Binəqədi müvəqqəti saxlanma məntəqəsinə aparırlar”.

  Xəbər hazırlanarkən DİN-lə əlaqə saxlamaq mümkün olmayıb.

  Bayram Məmmədov məhbəsi Novruz bayramı qabağı elan edilən əfv sərəncamı əsasında tərk edib.

  O, 2016-cı ildə daha bir fəal – Qiyas İbrahimovla birlikdə, mərhum prezident Heydər Əliyevin abidəsinə “Qul bayramınız mübarək” şüarı yazıldıqdan sonra həbs edilib.

  Narkotik dövriyyəsi ilə bağlı maddə üzrə ittiham edilən gəncə 10 il həbs cəzası verildi.

  Bayram Məmmədov rəsmi ittihamı rədd edirdi

İzmir Dikilidə bir bələdiyyə başqanlığına namizədimiz var. Çox hörmətli Günay Zağlı. Demokrat Partiyadan namizəddir. Qısa bir müddət bundan öncə tanış olduq və sözün həqiqi mənasında dəyərli və dəyərlərə sahib çıxan bir Azərbaycan xanımı ilə tanış olmaqdan böyük zövq aldım. Siyasəti siyasət, mədəniyyəti mədəniyyət, alicənablığı alicənablıq olan bu xanıməfəndimiz Azərbaycandan buraya gəlmədən öncə pedaqoji fəaiyyət və incəsənətlə məşğul olub. Özü ilə bərabər qardaş Türkiyəyə bütövlükdə Azərbaycan sevgisini, Azərbaycan sevdasını yığıb gətirb. Məhz elə ona görədir ki, həyat yoldaşı Adnan bəyin də “Azərbaycan” – deyəndə ürəyi köksündən çıxacaqmış kimi olur.
Azərbaycanı və azərbaycanlıları, xüsusən də vətəndaş olan aydın olan ziyalı xanımlarımızı Türkiyə siyasətində görmək çox gözəl duyöudur. Günay xanım bir ilki gerçəkləşdirdi və böyük bir cəsarət nümayiş etdirdi. Bizə isə uğur diləmək qalır. Davamlı olsun!!!

Oktay Hacımusalı

• Prezident Rusiyanın TASS informasiya agentliyinə müsahibə verib – YENİLƏNİB

  Azərbaycan Respublikasının Prezidenti İlham Əliyev martın 29-da Vyanada Rusiyanın TASS informasiya agentliyinə müsahibə verib.

• Terefsiz.az xəbər verir ki, müxbirin Ermənistanın baş naziri Nikol Paşinyanla danışıqları barədə sualına cavabında Azərbaycan Prezidenti İlham Əliyev deyib:

  -Bildiyiniz kimi, xarici işlər nazirləri bir neçə raund danışıqlar aparıblar. Görüş ona görə mühümdür ki, məsələnin mahiyyəti ilə bağlı danışıqlar prosesinə yeni start verilib. Biz etimadı, ola bilsin ki, insanlar arasında təmaslar çərçivəsində möhkəmləndirməklə bağlı məsələləri müzakirə etdik. Bundan əvvəl ictimaiyyət nümayəndələri arasında təmaslar olub. Yəni, hələ bu barədə danışmaq tezdir, lakin humanitar məsələlərə gəldikdə, bu, nəzərdə tutulur. Çünki danışıqlar prosesi təbii ki, həm də humanitar aksiyalarla dəstəklənməlidir. Lakin mən hesab edirəm, əsas odur ki, danışıqların formatı dəyişilməz qalıb. Danışıqlar uzun illər olduğu kimi, Ermənistan ilə Azərbaycan arasında aparılır. İkincisi, danışıqlar prosesinə yeni təkan verilib. Bu da vacibdir. Biz Minsk qrupunun həmsədrlərinin 9 mart tarixli bəyanatını, – siz yəqin ki, onunla tanışsınız, – çox müsbət qiymətləndirdik. Orada deyilir ki, danışıqlar formatının dəyişdirilməsi yalnız iki tərəfin razılığı ilə ola bilər. Azərbaycan tərəfi təbii ki, buna razılıq vermədi. Ona görə də biz prinsipcə substantiv danışıqların davam etdirilməli olduğu vəziyyətə qayıtdıq. Xarici işlər nazirlərinə tapşırıqlar verilib. Onlar çox güman ki, nəticəyə yönələn danışıqlar prosesini davam etdirmək üçün yaxın vaxtlarda görüşəcəklər. Bizim üçün birinci yerdə beynəlxalq səviyyədə tanınmış Azərbaycan ərazilərinin beynəlxalq hüquq, Helsinki Yekun Aktı və BMT Təhlükəsizlik Şurasının Ermənistan silahlı qüvvələrinin işğal olunmuş ərazilərdən dərhal və qeyd-şərtsiz çıxarılmasını tələb edən dörd qətnaməsi çərçivəsində işğaldan azad edilməsi məsələsi durur.

  Müxbir: Çox sağ olun, cənab Prezident.

   

• ABŞ prezidenti Donald Tramp bildirib ki, Venesuelada yaranmış vəziyyətlə bağlı Rusiya lideri Vladimir Putinlə danışıqlar aparacaq.

  Terefsiz.az xəbər verir ki, bu barədə “Qazeta.ru” məlumat yayıb.

  Tramp həmçinin qeyd edib ki, ola bilər, Venesuela məsələsini Çin Xalq Respublikasının sədri Si Çzinpinlə də müzakirə etsin.

  “Mən çox insanlarla danışacağam – ola bilər, prezident Putinlə, və ola bilər Çin “prezidenti” Si ilə”, – deyə Tramp qeyd edib.