“Bu gün Azərbaycanda fəaliyyət göstərən ticarət mərkəzlərini və bazarlarını sığortalamaq da mümkün deyil. Heç bir sığorta şirkəti o riskin altına girb məsuliyyəti öz üzərinə götürməz”.

Terefsiz.az  xəbər verir ki, bunu “Ölkə.az”a açıqlamasında sığorta eksperti Xəyal Məmmədxanlı deyib.

Onun sözlərinə görə, birincisi, ildə ticarət mərkəzlərində bir neçə dəfə yanğın olur:

“Digər tərəfdən ticarət obyektlərində yanğın təhlükəsizliyi sıfır vəziyyətindədir. Yanğın təhlükəsizliyinə riayət olunmur”.

O, əlavə edib ki, belə olan halda sığorta şirkəti xeyriyyə qurumu deyil, kimsə hansısa bədbəxt hadisəyə görə ziyan çəkdiyi üçün ona kompensasiya versin: “Sığorta şirkətləri normal risk idarəetməsini həyata keçirirlər”.

Ekspert deyib ki, sığorta məsələsi ancaq vətəndaşın belə bədbəxt hadisələr baş verən zaman yadına düşür:

“Vətəndaş başa düşməlidir ki, belə hallarda yeganə kompensasiya vasitəsi sığortadır. Ancaq kütləvi ticarət mərkəzlərinin sığortasını heç kim etməkdə maraqlı deyil. Çünki, o yerlərdə risk olduqca böyükdür, heç bir təhlükəsizlik qaydalarına əməl edilmir. Yəqin ki, binanın sığortası olub. Ən azından FHN bina tikiləndə icbari sığortanı tələb edir. Amma şübhə etmirəm ki, bina sahibləri də sadəcə formal olaraq şəhadətnamə alıblar. Kiçik məbləğə sığortalayıblar ki, kağızı FHN-ə göstərsinlər. Guya bina sığortalanıb. Vətəndaşların özlərinə gəldikdə isə 99 %-inmalları sığortasızdır”.

O, bildirb ki, səbəb isə insanlarımızın səhlənkarlılğındadır:

“Gedib qapılarını döyürsən ki, 50 manat ödə, 25 000 manata evini sığortala, birdən hadisə olar. Əksəriyyəti deyir ki,əşi Allah kərimdir, heç nə olmaz”.

“Diqlas” T/M-əki yanğına gəldikdə isə ekspert deyib ki, burada başqa bir problem də orada satılan malların rəsmi uçotunun olmaması ilə bağlıdır:
“Heç istəsən belə, onların mağazadakı mallarını sığortalamaq mümkün deyil. Ona görə ki, heç birinin rəsmi uçotu yoxdur. Rəsmi uçot olmadığından yanğın və ya başqa hadisə baş verəndə orada nə qədər malın olduğunu müəyyən etmək mümkün deyil. Nə qədər mal olub. Və ən əsası qiyməti nə qədər olub”.

Ekspert hesab edir ki, “Binə”, “Sədərək” və digər böyük ticarət mərkəzlərində də vəziyyət eyni ilə belədir:

“Bu obyektlərdə heç bir texniki və yanğın təhlükəsizliyi qaydalarına əməl edilmir. İnsanlar ən kustar üsulla hazırlanmış sobalardan və texnikalardan istifadə edirlər.

Heç bir əməkdaş adi yanğın təhlükəsizliyi təlimatını bilmir. O baxımdan ticarət obyektlərindəki problem ciddidir. Ona görə də insanlarımız məsuliyyət hiss edib, bu məsələlərə həssas yanaşmalıdır”.

Ekspert bildirib ki, FHN bir az ciddi nəzarət edən kimi hamı şikayət edərək, onları çörək pulu qazanmağa imkan verməməkdə ittiham etməyə başlayır:

“Ancaq sahibkar öz malına, mülkünə məsuliyyət hiss etməlidir. Dövlət gəlib onların malını qorumalı deyil axı? Siz təsəvvür edin “Sədərək” və “Binə “ ticarət mərkəzlərininin hərəsindi gün ərzində 200-300 min insan olur. Orada hansı təhlükəsizlikdən danışmaq olar. Bu yerlərdə hər şey taleyin ümidinə qalıb. Halbuki insanların kütləvi toplandıqları yerlərdə çox ciddi nəzarət olmalıdır”.

O, qeyd edib ki, ona görə də obyektlərdə yanğın təhlükəsizliyi standartlarına riayət olunmalı, malların rəsmi uçotu aparılmalı, şəffaflıq təmin edilərək rəsmi fəaliyyət həyata keçirməlidirlər. Sığorta şirkəti malları sığortalayanda gərək siz ona rəsmi siyahı təqdim edəsiniz ki, dükanda nə var və bunun maya dəyəri nə qədərdir.

Bunu çox az sahibkar təqdim edə bilər, qalanları çemadan ticarəti edirlər. Bu olmadığından belə hadisələr ortaya çıxanda ciddi problemlər yaşanır”.

• Bu günki yanğından nə qədər səbr elədim ki, yazmayım yenə də sakit dura bilmədim!!! Yazacam!!! İnciyirlər, CƏHƏNNƏMƏ incisinlər!!!

  Başa düşdük hadisədir, oldu! Hamının başına gələ bilər, heç kim sığortanmayıb. Lakin diqqətimi çəkən bəzi insanların , əlxüsus da jurnalistlərin davranışları idi. Yəni bu qədər də vecsiz olmaq olarmı? Yazıq insanların pis vəziyyətdə olduğunu görə – görə belə sevincli şəkillər çəkdirib paylaşmaq olarmı?

  Hanı vicdan? Hanı şərəf?

  Sinənizə döyüb mən jurnalistəm deməklə jurnalist olunmur!!! Jurnalistika əlində mikrofon tutub hansısa qurumun TULA sı olmaq demək deyil !!! Bayramlarda hədiyyə gözləmək deyil, dilənçilik edib kimdənsə 50, 100 manat alıb yalandan tərif vurmaq deyil !!! Müğənnilərin soyunmağın manşet etmək deyil jurnalistika!!! Hanı bir normal xəbəriniz? Orda olan 90 % jurnalistin hazırladığı xəbərdə öz cümləsi belə yox idi. Hamısı qurumdan deyilən məlumatın eynisi idi. Bəs harda qaldı sizin işiniz? Sizin qələminiz? Yazınız!!! Yazmırsan , yazma. Cəhənnəmə yaz! Başı bədəndə gəzdirməklə deyil ki. Əgər o baş ancaq yaltaqlığa işləyirsə, kəs onu at ! Bax sizin kimilərə görə jurnalistika bu gündədir!

  Dükanı yandı ! Evinə çörək apara bilməyəcək! Dükanda işçilər vardı! Onlar da qaldı ac, çarəsiz! Evini satıb işə başlayanlar var idi, qaldılar qara gündə! Onların qara günündə siz belə edəndə biz kimdən nə gözləyək?! Bax, buna görə də bu gündəyik! Xain, əclaf insanlar elə öz içimizdədir! İnciyənlər, CƏHƏNNƏMƏ incisin!!!

  Şəkillər bu günki yanğın zamanı çəkilib!!!
  Bir şəkildə yanğın olduğunu eşidib xəbər arxasıyca qaçan “jurnalist” lə FHN-nin mətbuat katibi. Yəni bir yanğın xəbəri bu qədərmi təbəssüm yaradar insan üzündə?! Yəni başqasının pis gününə, pis vəziyyətdə olmasına bu qədərmi sevinər bir insan ? Yəni bu zaman şəkil çəkdirməyə vaxt tapıldı? Axı jurnalist orada xəbər arxasıyca qaçmalıdı, kadr tutmalıdı, qeyri adı yanaşması olmalı idi oradakı “jurnalistlərin”. Hanı sizin işiniz? İşinizi görə bilmirsinizsə heç olmasa vicdanınız hanı? O da yandı kül oldu?

  Yanğında kimlərsə gələcək həyatını , kimlərsə övladının təhsilini, kimlərsə də xəstəsini yandırdı. Kimlər evsiz qaldı, kimlər işsiz! Axı bu halda necə üzdə təbəssüm şəkil çəkdirib sevinərək paylaşmaq olar?!

  Hanı qürür? Hanı şərəf?!

Bu pafoslu fikirləri gənc jurnalist Xanlar Mehdiyev bildirib. O, həmkarlarına facebook sosial internet şəbəkəsindən bu yazı ilə narahatlıq və narazılığını çatdırıb.

Bakıda “Diqlas” ticarət mərkəzində baş vermiş yanğınla bağlı iki sahibkarın səhhəti pisləşib.

Terefsiz.az – a bu barədə Səhiyyə Nazirliyinin mətbuat xidmətinin rəhbəri Pərviz Abubəkirov bildirib.

O deyib ki, hadisə yerinə göndərilən təcili tibbi yardım briqadaları daha 4 nəfərə ilkin tibbi yardım göstərib:

“Onlardan 2 nəfər Fövqəladə Hallar Nazirliyinin əməkdaşıdır, iki nəfər isə sahibkardır. Malları yanan sahibkarlardan ikisinin səhhətində problem yaranıb və təcili tibbi yardım briqadası dərhal həmin şəxslərə yerində yardım göstərib. Bir FHN əməkdaşı isə sağ əlin kəsilmiş yarası ilə 3 saylı Şəhər Klinik Xəstəxanasına yerləşdirilib”.

Xatırladaq ki, bu gün səhər saatlarında paytaxtın Nizami rayonu, Qara Qarayev prospektində “Diqlas” Ticarət Mərkəzində güclü yanğın baş verib.

Hadisə yerinə çoxlu sayda yanğınsöndürmə briqadaları və helikopterlər cəlb edilib. Yanğın davam edir.

Diqlas Ticarət Mərkəzi yanır.

Terefsiz.az xəbər verir ki, Bakıda 8-ci kilometr qəsəbəsində yerləşən Diqlas ticarət mərkəzində yanğın baş verib. Yanğın söndürənlər hadisə yerindədir. Hələlik yanğının səbəbi məlum deyil.

Prezident İlham Əliyevin 2019-cu il fevralın 25-də imzaladığı sərəncamda müharibə veteranları üçün Prezidentin aylıq təqaüdünün təsis olunması nəzərdə tutulur.

terefsiz.az xəbər verir ki, Əmək və Əhalinin Sosial Müdafiəsi Nazirliyindən BAKU.WS-ə verilən məlumata görə, sərəncama uyğun olaraq, aprelin əvvəlindən müharibə veteranlarına kommunal, nəqliyyat və digər xidmətlərə görə sosial müavinət (55 manat) əvəzinə, habelə döyüşən ordunun tərkibində xidmət etmiş müharibə iştirakçılarının əmək pensiyasının sığorta hissəsinə əlavə (11 manat) əvəzinə Prezidentin 80 manat məbləğində aylıq təqaüdü təyin olunacaq.

Bu da 80 min nəfərdən ibarət müharibə veteranlarına dövlət dəstəyinin əhəmiyyətli şəkildə artırıldığını göstərir.

Qeyd olunan təqaüdün ödənilməsi üçün il ərzində əlavə 80 milyon manat əlavə vəsait ayrılacaq.