Şəki Şəhər Rayon Polis Şöbəsinin Dövlət Yol Polisi bölməsinə rəis təyin edilib.
Bununla bağlı daxili işlər naziri general-polkovnik Vilayət Eyvazov əmr imzalayıb.
Əmrə əsasən, Şəki DYP-nin rəisi vəzifəsinə Ramid Eyvazov təyinat alıb.
Qeyd edək ki, R. Eyvazov bundan əvvəl Qobustan DYP-nin rəisi işləyib.
terefsiz.az
“WhatsApp” messenceri iyun ayında elan edilmiş kanal yaratma funksiyasının işə salındığını açıqlayıb.
Funksiya yaxın aylarda ictimaiyyətə açıq olacaq.
“Biz 150-dən çox ölkədə Kanallar funksiyasını işə salırıq ki, istifadəçilərimiz onları maraqlandıran yenilikləri özəl olaraq ala bilsinlər”, messencer bloqunda deyilir.
“WhatsApp” tərtibatçıları həmçinin bildiriblər ki, yeniləmə çərçivəsində istifadəçilər kanal yazılarına reaksiya verə biləcəklər. Bundan əlavə, istifadəçinin ölkəsinə əsaslanan avtomatik filtrli təkmilləşdirilmiş kataloq mövcud olacaq və kanal mesajlarını şəxsi söhbətlərə və qruplara yönləndirmək də mümkün olacaq. Administratorlar kanal yazılarını dərc edildikdən sonra 30 gün ərzində redaktə edə biləcəklər.
Messengerdəki rəsmi “WhatsApp” kanalı artıq baxış üçün hazırdır.
terefsiz.az
2023-cü ilin avqust ayında əhaliyə göstərilmiş ödənişli xidmətlər üzrə istehlak
qiymətləri indeksi əvvəlki aya nisbətən 100.1 faiz, əvvəlki ilin avqust ayına nisbətən 108.9
faiz təşkil edib.
Dövlət Statistika Komitəsindən əldə edilən rəsmi statatistik göstəricilərə istinadən xəbər verir ki, avqust ayında əvvəlki ayla müqayisədə əhaliyə göstərilmiş ödənişli xidmətlərdən bahalaşma əsasən mənzillərin icarə haqlarında və hava nəqliyyatı ilə beynəlxalq sərnişindaşıma xidmətlərinin qiymətlərində müşahidə olunmuşdur.
Digər ödənişli xidmətlərin qiymətlərində ciddi dəyişikliklər baş verməmişdir.
İstinad: Banker az
terefsiz.az
TEREFSİZ.AZ saytı xəbər verir ki, Prezident İlham Əliyevin bu gün imzaladığı sərəncamlara əsasən:
Havar Əmir oğlu Məmmədov Bakı Mühəndislik Universitetinin rektoru vəzifəsindən azad edilib, Yaqub Maksim oğlu Piriyev Bakı Mühəndislik Universitetinin rektoru təyin edilib.
Həmçinin Elxan Bahadur oğlu Hüseynov Sumqayıt Dövlət Universitetinin rektoru vəzifəsindən azad edilərək, onun yerinə Rüfət Eyvaz oğlu Əzizov Sumqayıt Dövlət Universitetinin rektoru təyin edilib.
terefsiz.az
” Hər şeirimdə ”
Payız gəlir…
Gah yel əsir,
İstiləşir.
Evsiz adamlar tələsir,
İslanmamaq üçün.
Payızın, qışın yağışında
Ayaqları suda üzür,
Rahiblərin, İlqarların ayaqları.
Fəxrəddin dayı çay süzür,
Bir azca isinsin deyə.
Uşaqlıqdan öyrəşib, oturub yatmağa,
Təki az da olsa isti olsun,
Ya da çox islanmasın.
Elmira xalanın ayaqları şişib,
Durub sakitcə tikdiklərini satır.
Axı iki kişi əlinə baxır…
Biri vəfasız əri, digəri…
Ehh… Ana ürəyi…
Bu şeirə sığmaz evsizlər,
Bu şeirə sığmaz kimsəsizlər.
Gör necə şairəm ki, mən,
Mənə ilham verir əzab çəkənlər,
Çəkdiyim əzablar!
Olsun mənə yazıqlar!
Elmira xala nə vaxt güləcək?
Rahib nə zaman düzələcək?
İlqar nə vaxt içməyəcək?
Fəxrəddin dayı nə vaxt dincələcək?
Mübarizə etmək ayıbmış,
Yaraşmırmış bir xanıma.
Yaraşmır mənə polisə getmək,
Yaraşmır mənə haqq tələb etmək,
Mənə nə yaraşır?
Səfalət?
Ey İlahi Ədalət!
Sənə sığınmışam!
Bu şeir bu yağışlı gündə,
Bu yağışlı gecədə,
Həm evdə, həm küçədə
Əzab çəkənlərin şeiridir.
Vaxt gələcək, yağışa, qara
Onlar da sevinəcək,
Mən də sevinəcəm.
Bax o zaman biləcəm,
Biz xoşbəxtik deyəcəm
– Hər şeirimdə…
Bənövşə Mahmudqızı
13.09 2023
terefsiz.az
Bakı Dövlət Universitetinin (BDU) 2 saylı korpusunda əsaslı təmir işləri başa çatmaq üzrədir.
Bildirilib ki, binanın zirzəmisindən damına qədər bütün mərtəbələri, auditoriyalar, inzibati otaqlar, laboratoriyalar, sanitar qovşaqlar, liftlər müasir standartlara uyğun şəkildə yenidən qurulub, bütün kommunikasiya xətləri, yanğınsöndürmə sistemi yenilənib.
Geniş auditoriyalar proyektor, kondisioner və mebellərlə təzhiz olunub. Qazanxana və drenaj sistemi yenilənib.
Korpusda təhsilalanların dərsdənkənar və asudə vaxtlarının keçirilməsi üçün də xüsusi şərait yaradılıb. Korpusun həyətində xüsusi abadlıq işləri həyata keçirilib.
Ən müasir standartlara cavab verən korpus yeni tədris ilindən müəllim və tələbələrin ixtiyarına veriləcək. Əsaslı təmir işləri mərhələli şəkildə BDU-nun digər tədris korpuslarında da davam etdiriləcək.
Terefsiz.az
TEREFSİZ.AZ saytı xəbər verir ki, bunu Ukrayna Prezidenti Volodimir Zelenski İtaliyada keçirilən biznes forumunun açılışında çıxışı zamanı deyib.
Onun sözlərinə görə, Krım yarımadası həm hərbi, həm də diplomatik yolla azad edilə bilər: “Hər şey düşmənin davranışından asılıdır”.
V.Zelenski söyləyib ki, Ukrayna işğalla heç vaxt barışmayacaq: “Rusiya qoşunları yarımadanı tərk etməlidir. Bu, insanların həyatını xilas etmək üçün ən yaxşı variantdır”.
Qeyd edək ki, Rusiya yarımadanı 2014-cü ildə ilhaq edib.
Terefsiz.az
Bakıda və Abşeron yarımadasında sentyabrın 2-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, gecə və səhər bəzi yerlərdə arabir yağış yağacağı ehtimalı var.
Şimal-şərq küləyi əsəcək. Havanın temperaturu gecə 20-23° isti, gündüz 27-31° isti olacaq. Atmosfer təzyiqi norma daxilində 760 mm civə sütunu olacaq. Nisbi rütubət gecə 70-75 %, gündüz 50-55 % olacaq.
Azərbaycanın rayonlarında əsasən yağmursuz, lakin gündüz şimal və qərb rayonlarından başlayaraq bəzi yerlərdə arabir leysan xarakterli yağış yağacağı gözlənilir. Ayrı-ayrı yerlərdə intensiv olacağı, şimşək çaxacağı, dolu düşəcəyi ehtimalı var. Şərq küləyi ayrı-ayrı yerlərdə arabir güclənəcək.
Havanın temperaturu gecə 17-22° isti, gündüz 30-35° isti, dağlarda gecə 8-13° isti, gündüz 14-19° isti olacaq.
terefsiz.az
Azərbaycanda kosmik obyektlər üzərində mülkiyyət və digər əşya hüquqlarının əmələ gəlməsinin, məhdudlaşdırılmasının, başqasına keçməsinin və bu hüquqlara xitam verilməsi ilə bağlı kosmik obyektlərin dövlət reyestrində qeydiyyata alınması qaydası hazırlanacaq.
TEREFSİZ.AZ saytı xəbər verir ki, bu barədə Baş nazir Əli Əsədov sərəncam imzalayıb.
Sərəncamda qeyd olunub ki, Rəqəmsal İnkişaf və Nəqliyyat Nazirliyi, Ədliyyə Nazirliyi, İqtisadiyyat Nazirliyi və digər aidiyyəti dövlət orqanları ilə razılaşdırmaqla kosmik obyektlər üzərində mülkiyyət və digər əşya hüquqlarının əmələ gəlməsinin, məhdudlaşdırılmasının (yüklülüyünün), başqasına keçməsinin və bu hüquqlara xitam verilməsinin kosmik obyektlərin dövlət reyestrində qeydiyyata alınması qaydasının layihəsini, həmçinin Kosmik Agentliyinin (“Azərkosmos”) fəaliyyət istiqamətləri üzrə müvafiq işlərin görülməsi üçün alınması tələb olunmayan lisenziya və icazələrin siyahısı hazırlanıb 2 ay müddətinə Nazirlər Kabinetinə təqdim edilməlidir.
Ədliyyə Nazirliyi və digər aidiyyəti dövlət orqanları, kosmik obyektlərin dövlət reyestrində qeydiyyata alınmış kosmik obyektlərinin idarə edilməsinə nəzarət qaydasının layihəsini 2 ay ərzində Nazirlər Kabinetinə təqdim etməlidirlər.
Bu sərəncam avqustun 29-dan qüvvəyə minib. Sərəncam “Kosmik fəaliyyət haqqında” Azərbaycan Respublikasının 2023-cü il 24 iyun tarixli 927-VIQ nömrəli Qanununun tətbiq edilməsi barədə” Prezidentin 2023-cü il 4 avqust tarixli 2291 nömrəli Fərmanının icrasını təmin etmək məqsədilə hazırlanıb.
Terefsiz.az
“Böyük qayıdış proqramı reallaşmağa başlayıb. Artıq Şərqi Zəngəzurda ilk məskunlaşma qeydə alınıb. Bu, ilin sonuna kimi davam edəcək. İlin sonuna kimi 2 min ailənin Qarabağ və Şərqi Zəngəzurda məskunlaşması gözlənilir”.
Bu barədə millət vəkili Vüqar Bayramov danışıb.
Onun sözlərinə görə, işğaldan azad edilmiş digər bölgələrimizə qayıdan şəxslər Bakıda yaşayan vətəndaşlardır:
“Bu vətəndaşların böyük bir qismi Bakı və Sumqayıtda qeydiyyatdadır. Sözsüz ki, həmin vətəndaşlarımızın ata-baba yurdlarına qayıtması, Bakı sakinlərin sayına təsir göstərəcək. Azalmalar olacaq və 2026-cı ilədək təxminən 140 min vətəndaş öz doğma torpaqlarına qayıdacaq. Bu da Bakı sakinlərinin sayına təsir göstərəcək”.
terefsiz.az
