Lüks brendlərin istehsalçıları koronavirus pandemiyasına görə 2020-ci ildə 100 milyard avrodan çox itirəcəklər.
RBK nəşrinin məlumatına əsasən, bu barədə “Boston Consulting Group” beynəlxalq konsaltinq şirkətinin “Altagamma” və “Ab Bernstein” ilə birgə hazırladığı hesabatda deyilir.
Qeyd edilir ki, hesabat lüks məhsullar istehsal edən firmaların rəhbərləri arasında aparılmış sorğu əsasında tərtib edilib.
Ekspertlər pandemiyanın brendlərə bu ilin fevralında gözlənildiyindən daha ciddi zərər verəcəyini proqnozlaşdırırlar. Məsələn, şirkətlərin anbarlarında tələb olunmayan premium mallarının sayı 105 milyon ədəd təşkil edəcək, itkilərin ümumi məbləği isə 105 milyard avro təşkil edəcək. Beləliklə, mütəxəssislər qeyd edirlər ki, bazar 2011-ci ilin səviyyəsinə qayıdacaq, həmin dövrdə onun həcmi 250 milyard avroya müvafiq idi.
2019-cu ilin nəticələrinə görə, dəbdə olan lüks məhsulların seqmenti 350 milyard avro dəyərində qiymətləndirilirdi. 2020-ci il ərzində satışların əvvəlki illə müqayisədə 245 milyard-30 faizədək azalacağı gözlənilir.
Hazırda sorğu aparılan şirkətlərin rəhbərlərinin və maliyyə direktorlarının təxminən yarısı hesab edir ki, koronavirusun mənfi nəticələri hələ 6-12 ay özünü göstərəcək.
