Çinin “Ekasbo” şirkəti “Matebot” adlı robot pişiyi təqdim edib.
Terefsiz.az saytı Rusiya mətbuatına istinadən xəbər verir ki, robot pişik sahibinin toxunuşlarına və səsinə reaksiya verə bilir. Belə ki, ona toxunulduqda bədənini tərpədir və baxışlarını dəyişir.
Robotun yaradıcıları bildiriblər ki, “Matebot” pişik saxlaya bilməyənlər üçün icad edilib.
O, səsi, intonasiyanı və əmrləri yadda saxlaya bilir. Bundan əlavə, “Matebot” cavab vermə xüsusiyyətinə də malikdir, “ağıllı” kolonka texnologiyası üzrə işləyir. Bu pişiyi smartfona qurulmuş proqramın köməyi ilə idarə etmək və tənzimləmək olar.
Terefsiz.az
