TEREFSİZ.AZ saytı xəbər verir ki, 26.10.2021 tarixində “Davam” Gənclər Hərəkatı nəzdində fəaliyyət göstərən Davamlı İnkişaf Mərkəzi, “Unicorn Challenge” şirkəti və Bakı Gənclər Mərkəzi / Baku Youth Centerin birgə təşkilatçılığı ilə həyata keçirilən “Qarabağ atları” adlı layihə çərçivəsində rəsm sərgisinin açılış mərasimi baş tutub.
Sərgidə nümayiş olunan rəsm əsərləri gənclərimiz tərəfindən ərsəyə gətirilib və seçilən rəsmlər Moskvada baş tutacaq sərgiyə göndəriləcək.
Qeyd edək ki, sərgiyə münsif olaraq, Azərbaycanın dəyərləri heykəltəraşı Faiq Hacıyev və gənc xanım, şair, psixopedaqoq, həmçinin, sayt rəhbəri olan Bənövşə Mahmudqızı dəvət edilmişdir.
Münsiflər gənc və az yaşlı uşaqların çəkdiyi rəsmlərdə tanış olmuş, dəyərləndirmə aparmışdır. Sərgidən sonra isə ” Unicorn Challange ” şirkəti tərəfindən hazırlanmış, ” Qarabağ atları ” ilə bağlı qısa film təqdim olunmuşdur.
Layihənin əsas məqsədi gənclərin Qarabağ atları haqqında ətraflı məlumat əldə etməsi və beynəlxalq arenada onların təbliğatçısına çevrilməsidir.
TEREFSİZ.AZ saytı olaraq, qeyd etməliyik ki, Azərbaycanın ” Qarabağ atları ” nın mədəniyyətdə və incəsənətdə rol almasında, təbliğatında, nəslinin artırılmasında cənab Yaşar Quluzadənin zəhməti danılmazdır və ona həm media olaraq, həm azərbaycanlı olaraq, təşəkkür edirik.
Terefsiz.az
