Milli komandamızın hücumçusu Ramil Şeydayevin çıxış etdiyi “Krılya Sovetov” klubu bu gün Rusiya Premyer Liqasında növbəti oyununu keçirib.
Terefsiz.az-ın məlumatına görə, Samara təmsilçisi 25-ci turda doğma meydanda “Ural”ı qəbul edib. Görüş qonaqların qələbəsi ilə başa çatıb – 1:0.
Meydana start heyətdə çıxan Şeydayev sonadək mübarizə aparıb.
Qeyd edək ki, “Krılya Sovetov” 25 turdan sonra 27 xalla 13-cü pillədə qərarlaşıb. “Ural” isə 33 xalla 10-cudur.
