“Forbes” jurnalı 2019-cu ilin ən çox gəlir əldə edən idmançı qadınların reytinqini tərtib edib.

Terefsiz.az saytı rus KİV-inə istinadən xəbər verir ki, rusiyalı tennisçi Mariya Şarapovanın da adı siyahıya salınıb.

Şarapova siyahıda yeddinci yerdədir. Jurnalın xəbərinə əsasən, raket ustası 2019-cu ildə 7 milyon dollar gəlir əldə edib.

Reytinqə amerikalı tennis ustası Serena Uilyams liderlik edir. O, il ərzində 29.2 milyon dollar qazanıb.

Naomi Osaka 24.3 milyon dollar gəlirlə ikinci, Ancelika Kerber isə 11.8 milyon dollar gəlirlə üçüncüdür.

Siyahıda ilk 11 yeri tennis sahəsini təmsil edən idmançı qadınlar tutur.

Terefsiz.az