Orta əsrlərdə xan və kral saraylarında soytarılıq edən kifayət qədər adamlar var idi, sonra onlara mütrüb, daha sonralar kloun deyərdilər. Hərçənd kloun nəticədə çətin bir peşəyə çevrildi. Heç zaman insanların dəlilik edən, yıxılıb düşən, hoppanan, gic-gic danışan adamlara nədən güldüyünü anlamırdım. Kino sevərlər incimisən , heç vaxt Çarli Çaplin yaradıcılığını da anlamamışam. Bəlkə, o zamanlarda yaşasaydım, mən də gülərdim. Bilmirəm.
Amma artıq sivil və mənəvi dəyərləri yüksək olan ölkələrdə xüsusi ilə də XXI əsrdə bu cür insanlara ictimai yerlərdə gülmürlər, çəpik çalmırlar. Əksinə bilmədən və ya bilərək pul müqabilində soytarılıq etmək istəyən insanlara dəstək olurlar. Onların “yaradıcı” potensialını yönləndirirlər. Bəzi ölkələrdə isə həmin insanlara xüsusi dövlət proqramları çərçivəsində “sindrom” adı yapışdıraraq və sənədləşdirərək yiyə dururlar.
Amma bu cür insanların mənəvi, psixoloji problemlərini başa düşdük. Mində bir olur belə problemlər. Məsələnin qorxulu tərəfi odur ki, bu cür insanlara hələ təəssübkeşlik edib, onlara içdən gülmək istəyən adamlar hələ də var. Onlar bizimlə eyni oksigeni paylaşır. Yəni orta əsr təfəkkürü heç yerə yox olmayıb. Sadəcə bunu ictimaiyət qarşısında edə bilmirlər. Öz idbar daxilini ortaya qoya bilmirlər. Sivil cəmiyyətdə yaşayır axı… Olmaz. Ağır oğlandırlar.
Ta ki, taaa kiii…əllərinə pul düşənə kimi. Əllərinə pul düşən kimi “Tosu zəngilanski” kimi bədbəxtləri otel otaqlarına, qəlyan otaqlarına çağırıb …. Hurrreee deyərək….Daxilindəki daş dövründən qalan daşları ortaya töküb həzz alırlar. Öz nakamlıqlarını, komplekslərini, uşaqlıq travmalarını, manyakal fantaziyalarını ortaya qoyurlar. “Qurban” yetərincə axmaq, gülməli və idbar görünsün deyə onun başına olmazları gətirirlər. Pul müqabilində ona viski ilə araq, sambuka ilə çaxır, duzlu xiyarla, aran balı qarışdırıb yedizdirirlər. Qusdururlar. Bəziləri hətta həkim çağıtdırıb mədəsini yuduzdurub, yenidən bu iyrənclikləri təkrar edirlər. Özlərinin seksual faydasızlığını anlayıb, mental çərçivələrindən çıxa bilmədiklərinə görə T.Z. kimilərin üzərində bütün seksual eksperimentləri aparırlar. L-sını da , G-sını da, B-sını da, elə T-sı nı da. Üstəlik bütün bunlar videolara çəkilir. Gizli telegram səhifələrdə paylaşılır. Əlbəttə ki, bunu edənlərin çoxu “Günəşin” uşaqlarıdır. O zavallı günəşin uşaqları yox. Bildiyiniz günəşlərin uşaqları. Hansılar ki, sönmək üzərədir. Sadaladıqlarımın nəticəsində əlbət ki, Tosu serroz da olar, spid də olar, lap elə Leprazoy da olar. Və ölər… Kimdi indi onun ölümündə günahkar? Özü? Sanmıram. Axı o xəstə idi… Tosunu rəsmən otarırdılar və indi də kəsdilər. Bu cümlələri oxuduğunuz an isə, yüzlərlə Tosular, minlərlə “Günəşin” övladlarının əlində hotellərdə SOYTARILIQ edir. Onlar da öləcək.
Tosu deyilən şəxs
