Neftçala rayonunda yanğın hadisəsi baş verib.
Terefsiz.az saytı ” Report ” a istinadən xəbər verir ki, hadisə Qaçaqkənd kəndində qeydə alınıb.
Belə ki, kənd sakini Rahim Muradova məxsus ev qəfildən yanmağa başlayıb. Ailənin qızının toy mərasimi olduğundan hadisı zaman evdə heç kim olmayıb.
Yanğın kənd sakinlərinin və FHN-nin yerli şöbəsinin əməkdaşlarının köməyi ilə söndürülüb, alovun yarımtikiliyə və ətraf ərazilərə keçməsinin qarşısı alınıb.
Faktla bağlı araşdırma aparılır.
Terefsiz.az
