Türkiyənin Bartın vilayətində yerləşən mədəndə baş verən partlayış zamanı xəsarət alanların son durumu açıqlanıb.
Bu barədə “Terefsiz.az” Türkiyə mətbuatına istinadən xəbər verir.
Qeyd edilir ki, hazırda xəstəxanada 9 nəfərin müalicəsi davam edir. Onlardan 5-nin vəziyyəti ağırdır. Partlayışdan sonra mədəndən 58 işçi xilas edilib. Hadisə zamanı həyatını itirənlərin sayı 41 nəfərdir.
Qeyd edək ki, hadisə oktyabrın 14-də baş verib.
Partlayış baş verən vaxt mədəndə 110 işçi olub ki, onların da 49-u riskli ərazidə yerləşib.
Hadisə ilə bağlı cinayət işi açılıb, təhqiqat aparılır.
