Terefsiz.az saytı xəbər verir ki, 2019-cu ilin may ayında SOCAR-ın STAR Neft Emalı Zavodunun (NEZ) Türkiyə bazarında satdığı məhsulun həcmi 43,761 min ton təşkil edib.
Bu barədə Türkiyənin Enerji Bazarını Tənzimləmə Təşkilatının (EPDK) saytında dərc edilən hesabatda bildirilib.
Qeyd olunub ki, Türkiyə bazarındakı STAR zavodu məhsullarının payı 1,75 faiz olub.
2019-cu ilin may ayında STAR NEZ 89,983 min ton dizel yanacağı və 40,107 min ton reaktiv yanacaq daxil olmaqla, 130,090 min ton neft məhsulları ixrac edib.
Zavodda xam neftin idxalı 2019-cu ilin may ayında 630,648 min ton təşkil edib.
Qeyd edək ki, 2018-ci ilin 19 oktyabrında İzmirdə 6,3 milyard dollar dəyərində olan STAR NEZ-in açılışı olub.
Zavodun layihə gücü 10 milyon tondur.
Terefsiz.az
