Qalatasaray transferin son saatlarında sürəti artırdı. Sarı-qırmızılı klub Mauro İkardi, Yusuf Dəmir, Matias Ross, Milot Raşika və Xuan Matanı heyyətinə qatıb. Argentinalı ulduz İkardi İstanbulda coşğulu qarşılanıb.
Qalatasaray transferdə həyəcanlı bir günü geridə qoydu. Sarı-qırmızılılar eyni gecədə 5 transferini açıqlayıb.
– Yeni hücumçu Mauro İkardi
“Qalatasaray”ın KAP-a bildirdiyi ilk ad Mauro İkardi olub. Argentinalı ulduzu və ailəsini daşıyan təyyarə Romadan yola düşərək İstanbula eniş edib.
Verdiyi ilk müsahibədə İkardi “Qalatasaray”a gəldiyi üçün çox xoşbəxt və həyəcanlı olduğunu bildirib.
Azarkeşlərin diqqəti haqqda danışan İkardi: “Burada inanılmaz bir atmosfer var“. 29 yaşlı hücumçu bildirib ki: “Burada olduğum üçün çox xoşbəxtəm. Hələ ki,1 mövsümlük gəlmişəm. Böyük uğurlar qazanmaq üçün buradayam. 2 aydır ki, Erden Timurla danışırıq. Ailəm və mən burada olmaqdan çox həyəcanlıyıq”. ifadələrdən istifadə etmişdir.
“Sarı-qırmızılar” 29 yaşlı hücumçunu bir illik icarəyə götürəcək. Paris Sen-Jermen İkardinin maaşının bir hissəsini ödəyəcək.
A seriyasının nəhəngi “İnter”dəki çıxışı ilə Avropa futbol bazarında məşhurlaşan İkardi 2020-ci ilin yayında 50 milyon avroya Paris Saint-Germain-ə transfer olunub.
– Yusuf Dəmir transferi
“Qalatasaray” türk-avstriyalı Yusuf Dəmiri rənglərinə bağladı.
Cim Bom 19 yaşlı futbolçunun transferi üçün Rapid Wien ilə 6 milyon avroluq müqavilə imzalayıb.
– Heyətə bir danimarkalı daha
“Qalatasaray” gənc futbolçunu heyətinə qatıb. “Sarı-qırmızılar” 21 yaşlı danimarkalı Mathias Ross Jensen üçün “Olborq”la danışıqlara başladığını açıqlayıb.
– Hücum xəttinə daha bir alternativ
Sarı-qırmızılı klub İngiltərə Premiyer Liqa komandalarından olan “Norviç Siti”nin kosovalı hücumçusu Milot Raşikanı icarəyə götürüb. İstanbul təmsilçisi futbolçunun klubuna icarə haqqı ödəməyəcək.
– Xuan Mata həmləsi
“Qalatasaray” azad agent Xuan Matanı heyətinə qatıb.
Sarı-qırmızılı komanda nəhayət ki, “Mançester Yunayted”də çıxış edən Xuan Mata ilə anlaşıb. 34 yaşlı ispan futbolçunun transferi gecə saatlarında açıqlanıb .
– “Qalatasaray”ın bu sezonki transferləri
Xuan Mata, Mauro İkardi, Yusuf Dəmir, Matias Ross, Milot Raşika, Lukas Torreyra, Dris Mertens, Serxio Oliveyra, Haris Seferoviç, Leo Dubois, Fredrik Midtsjö, Abdülkerim Bardakcı, Kazımcan Karataş.
