2022 görünüşlü Windows XP nəyə bənzəyir? Windows 11 ilə qarışan Windows XP 2022 Edition diqqəti çəkməyi bacardı.
Son vaxtlar Microsoft üçün Windows istifadəçiləri Windows 11 və Windows 10 istifadəçiləri olaraq 2 yerə ayrılır. Ancaq 2001-ci ildən başlayaraq uzun müddət Microsoftun ən məşhur əməliyyat sistemi olan Windows XP unudulmur.
Konsept dizayneri Addy Visuals tərəfindən Windows XP dizaynı yenilənmiş əməliyyat sisteminin necə görünəcəyini ortaya qoydu. Məşhur divar kağızı və sistemin sıx mavi rənglərinə sadiq qalaraq, Windows XP 2022 Edition müasir XP-nin necə görünə biləcəyini uğurla göstərdi.
Windows XP 2022 Edition konsepti, sizi “kaş real olaydı” deməyə vadar edir.
21 il əvvəl elan edilən Windows XP-nin bu gün necə görünəcəyi ilə maraqlanırsınızsa, Addy Visuals-in yeni konseptinə nəzər sala bilərsiniz.
“Təkrar Təcrübə” şüarı ilə hazırlanan konsepsiya; Yuvarlaq küncləri və mərkəzləşdirilmiş tapşırıq paneli və Başlat menyusu ilə diqqəti cəlb etməyi bacarır. Windows 11-in xüsusiyyətlərini Windows XP rəng sxemi ilə birləşdirən XP 2022 Edition klassik divar kağızı da qoruyub saxlayır.
Qaranlıq rejimi və Pinball 3D oyununu da ehtiva edən XP 2022 Edition videosu qısa zamanda sosial mediada əks-səda yaratmağı bacardı. Ancaq xatırlatmaq lazımdır ki, bu, yalnız konsept dizayndır.
İlk dəfə 2001-ci ildə istifadəyə verilən və rəngarəng plitələri ilə hər şeyi qarışdırmağı bacaran Windows XP, aprelin 14-də keçirilən sorğuya əsasən, hələ də 1,71 faiz istifadə nisbətinə malikdir. Qeyd edək ki, Microsoft uzun illərdir bu əməliyyat sistemini dəstəkləmir.
TEREFSİZ.AZ
