Yaponiyanın hakim Liberal Demokrat Partiyası (LDP) iyulun 10-da parlamentin yuxarı palatasına keçirilən seçkilərdə 125 yerdən 63-nü qazanıb.
“Terefsiz.az” “Tass”a istinadən xəbər verir ki, bu, prefektura seçki komissiyalarının icmal məlumatlarında öz əksini tapıb.
LDP-nin hakim koalisiyadakı tərəfdaşı olan Komeyto partiyası parlamentdə 13 yer qazanıb. Müxalif qüvvələri arasında ən yaxşı nəticəni 17 mandat alan Konstitusiya-Demokrat Partiyası göstərib. Ondan sonra Yaponiya Yeniləmə Cəmiyyəti (12 yer) gəlir. Qalan partiyalar isə 5-dək yer qazanıblar.
İyulun 10-da komissiyaların yekun məlumatları LDP və Komeytodan ibarət hakim koalisiyanın yuxarı palatadakı yerlərin əksəriyyətini saxladığını nümayiş etdirib.
terefsiz.az
