Hindistanın “Air India Express” aviaşirkətinə məxsus “Boeing 737” təyyarəsinin Kerala ştatının Kojikode şəhərində sərt eniş etməsi nəticəsində 17 nəfər ölüb.
Terefsiz.az xəbər verir ki, bu barədə NDTV telekanalı məlumat yayıb.
Məlumata görə, xilasetmə əməliyyatı başa çatıb, zərərçəkənlərin hamısı təyyarədən çıxarılıb. “News 18” telekanalı hadisə zamanı 123 nəfərin xəsarət aldığını bildirib.
“Flightradar24” portalının məlumatına görə, sərt eniş edən “Boeing-737” təyyarəsi Dubaydan Kojikodeyə uçurmuş. “Airfleets” portalı isə bildirib ki, təyyarə 13 ildir istismar edilir.
